الثلاثاء , أكتوبر 20 2020

مستني ايه..؟

شعر:عزة أحمد أبو زيد
********************
مستني ايه من شجره
فرعها مال
وعيونها من الحزن
تدغشش
حذفت لحن من الموال
نسيت ع أحزاني تبقشش

أحلامها من ورا ساقيتها
مطحونه تقتل برائتها
وأملها شيفاه بيلوش
كان بيحوش
فآمل كداب
سارق احلامه ولاففها
ف ورق سوليفان

وسط الأوهام
لساه بيدورعلي
كدبه بيجمل
فيها يصدقها
تراتيش العتمة
بتلحقها
والجو غبار
قلقان من ايه
من. خيبه
محفوره باسمك
لساك مبتسم
وبتضحك ع نفسك لسه
متزوق وشك ومبوز
نفس المشهد
وأنا راح أسقف
وسط الجمهور
وأنت. التايه
بإحساس مهجور

مش راح اغشك
لساك بتمثل من تاني
دورالمظلوم
لساك داير نفس
السكه تشبه مسطول
تضحك وتواسي فالميت
عامل مقتول
والكل بيضحك مستني
لما تفارق وتعدي بحور
السمكه ف البحرالميت
شافت طله وفعين الغول
مبقتش تخاف من نظرتها
وحمارها يقتل بسمتها
نطقت
ف ساعتها وقالتها
التعلب مات
الدنيا داست

واتكتروا
وده من مكره
هتلوم علي مين
علي دنيا
كانت وف ايديك
وف
ولحظه سابت لك ايديك
بتقولك اصحي م النوم
ربك وحده هوالقادر
وبايده ينصف مظلوم

ربما تحتوي الصورة على: ‏‏شخص واحد‏، و‏‏نشاطات في أماكن مفتوحة‏‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: