الخميس , أكتوبر 22 2020

تفاريح … شعر : ناهد الموجي

واناممكن اصدقه؟
ولا امشي وزهقه؟
بيقولي النجم عالي
وانت الضي الملالي
انت حقي وحلالي
صورتك ع الباب قبالي
والبعد هبعزقه
طب ممكن اصدقه؟!

بيقول هيجبلي شال
منسوج م الشمس قال
وفلوس تملا الشوال
ونجيب دستة عيال
والحب هدوقه
طب ممكن اصدقه

بيقولي انت المنارة
الضي ف كل حارة
جميلة وبجدارة
بغرامي هروقه
معقولة هصدقه

بيقولي انت البغاشة
والسكر ليك قماشة
وحلاوتك ف الهشاشة
شرباتي هدوقه
وعايزني اصدقه

وعايزني لفوق اطير
والبس شالي الحرير
اناديله يا الامير
عطشان اسقيه خرير
يسكر وافوقه
والنعمة ما اصدقه

بقلمي✍
ناهد الموجي
شاعرة مصرية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: