جريدة العربى اليوم الاخبارية
رن الجرس
قال الحرس….
ان الامير أعطى هبه ، أحلى فرس
للي برجع اميرة الضو
الي غابت مع الشمس خلف الجبال
قال الحرس ….
مرسوم على خدها نهر
وبالأمس عبت سلتها، ضو الصبح
وفستانها مهدب بزهر البكا اليابس
وغطت جفونها بظلال مزركشه
وبأيدها فانوس مطرز نجوم
ومن زيت قلبها ، ضوو بيشتعل
……..
ركبوا الخياله على ظهور الخيل
وكل ما لمع اسمها على الجبال
شافوا إشاره في السما
يؤشر عليها نجم سهيل
ينادوا ويصرخوا اسمها
وفي السماء يروح الصدى وينحبس
………..
تعب قلبي لما شفت
النحل ببكي على الطريق
ويعبي دموع الزهر بجرار
وقبل ما انادي اسمها
صار الدمع مثل النهر
لما شفتها، ضو صغير سايل على الارض
وشفت القمريبكي، حامل بايده منديلها المزركش
يربت بأيده على فانوسها
وضوو دمع سايل على خدودها
واسمعتوا حلف بعمرو
عن جبينها البكا ما رح ينحبس
…………
اما الامير …
قال الحرس
من يومها كره الشمس
وغطى القصر
بظلال مزركشه
كان يلمها
كل يوم الصبح عن جفونها
عيد بنات
