الجمعة , مايو 14 2021

مستني على كوبري غمره……قصيده للشاعرناظر حسني

مستني على كوبري غمره
بنت خالي اللي راجعه من العريش
مراة خالي
أختها
سيده متشحه بالاسود
كانت صديقة أمي في الشغل
قالت انها روحت مع جوزها
طلبت-السيده- تبوسني من فمي \”بوقي\”
وجودي مالهوش مبرر
نزلت اركب المترو من غمره
\”محطة الشهداء\” بس المفروض اكون في غمره
الأبواب مغلقه
بنت قصادي فتح لها الباب أمين شرطه ذو ابتسامه عريضه
دخلت وراها
بنزل سلالم وبمر بمكاتب
مافيش أي منافذ لرصيف المترو
سلالم مكاتب.. مكاتب سلالم
ولا وصول
قررت اخدها مشي للبيت
في شارع رمسيس
عربيه مكشوفه بيغني فوقيها
بنت بتغني بتتجرد من ملابسها بليونه
شاب بيتحرش بيها
عازف جيتار شعره منكوش
روحت
نديم بيقول لي ان ماما في الأوضه التانيه
التليفون بيرن ظهر اسم \”مرمر.. مها.. منار\”
قلت له ماما بتتصل
جريت ع الأوضه
بوستها بشوق.. حضنتها وبكيت في حضنها
قالت لي أنا اتصلت بنديم مش بيك
حطيت ايدي على بطنها
\”آآآآآآه.. تعبانه\”
وصحيت وانا بقول \”ايه اللي واجعك\” )
قدرت بمساعدة تفسير الأحلام لفرويد اني اوصل لعدة تفسيرات وتأويلات
بس كل ده مايمنعش ان امي وحشتني حقيقي ولازم ازورها في أقرب فرصه
ربنا يرحمك يا أمي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: