الخميس , مارس 4 2021

وفاء الألفى تكتب : وباحب أتحدى الدنيا

 

عاوزه اعترف لكم اعتراف … انا اكتشفت فيه حاجه غريبه قوى ، انى باحب اتحدى الدنيا والظروف ، ساعات باحب امشى عكس التيار ، ساعات باحب اطلع للدنيا لسانى واقولها انا مش خايفه منك ، انا اقوى منك وابتدى اتصرف وكان املك الكون كله و انا مش عارفه بكره فيه ايه ، بس عارفه ان ربنا معايا وحا يحمينى ومش ممكن يخزلنى ابدا …

الكل بيتكلم عن الازمه الاقتصاديه وما يتبعه من تدهور فى الاحوال، لكن انا ليه نظره مختلفه بتقول طلع ما فى جعبتك النهارده وبكره بتاع ربنا ماليش انى أفكر فيه …

المفروض الشهر القادم بيكون زى كل سنه عندى فى زياده مصاريف الطفل بنسبة ١٠٪ … فاخذت القرار ان لن اكون سبب فى عبئ اكبر على أولياء الامور، وربنا يقدرهم على الاعباء الموجوده علىهم بالفعل، دول ولاد بلدى وولادى ، فقررت ان لن أأخذ هذا المبلغ من أولياء الامور مساهمة منى فى محيطى ، وقررت صرف علاوات لبعض الموظفين قبل ميعادها …

انا مش باقول الكلام ده علشان حد يقول كلمه فى حقى ، لا انا باقول الكلام ده وانا مش عارفه انا حاعمله ازاى وحاجابه فرق زياده الأسعار منين اللى كانت بتعرضها الزياده السنوية اللى بناخدها من الأهل…. و اعلم جيدا ان البنزين حا يغلى من اول الشهر وبالتالى كله حا يغلى تانى…

بس انا باشوف ان بؤرة نور فى وجه ولاد بلدى بهذا القرار يساوى كتير قوى … الترابط النفسى والمعنوي والاحساس ببعض كل فى مجاله هو ده اللى حا يطلعنا من عنق الزجاجه… والباقى على الله هو المتطلع العليم و خزائنه ملأ لعباده المتحابين فى الله …

أعطوا مصر كل فى محيطه ووسعوا المحيط كل ما تقدروا شويه شويه وربنا حا يقدرنا ان شاء الله … الموضوع اكبر بكتير من رساله نصبح بيها ومش عارفين رايحه فلوسها فين … الموضوع تخلى عن جزء من مالك وقوُتَكْ لتحيى بها مبدأ انسانى او مساعده قد تكون انت اكتر واحد احوج ليها … هنا الامتحان … كلنا علينا ان نشد الحزام علشان نفرج بيها كرب انسان … والله المستعان….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: