الإثنين , مارس 8 2021

عينك…قصيده للشاعره ماجده قناوي

عينك…
اللى بترجف
ودموعك …
اللى بتكوى ف جفن الروح
مالهاش دوا …
غير رؤية عين بتضم الكون
لما تشوفها عيونك
عينك …
لما تشوفه بيحضن خوفك وآلامك
وبيوهب حلمك نبض حقيقى
حتبطل بكا و عذاب
عينك…
مابتشبعش لما تشوفه
محتاجة تعيش وياه…
.. جواه
.. ف هواه
عينك…
مش شايفه قصادها غير طيفه وبس
وكإن الكون اتلخص جوه عيونه
إنساااان ..
إحساسه ..بيدفى كيانك
نوره.. بينور كل طريق قدامك
سحره.. بيشل هروبك منه
ألمه.. لو يبعد طيفك عنه
نفسه … إنت !!
فأزاى؟!!!
بيفكر قلبك يبعد لحظة
واللحظة فبعده عذاب
وحنين وآلام
عينك…
مش شايفه خلاص غير عينه
روحه بتخطف روحك
سلمى مفتاح القلب
حيداوى جروحك
عينك …بتحب لقاه
خليك معاه
دا الكون…. هو
والهوى جواه
الله على حبه
بدووب ف هواه
الله
….. الله
……….. الله

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: