°♧•♤ يا صابره ♤•♧°…..✍شعر : أشرف الشناوى

ياصابره
ياشاربه المر
من كوعك
محدش حس
بركوعك
والا بجوعك
وبعتى الشعر
ياناعسه
عشان ايوب
قدر مكتوب
وبعتى الكليه
ياغاليه
برز شعير
ماعدش ضمير
داريتى الجرح
بالطرحه
تموت الضحكه
والفرحه
فى أرض الشوك
وقلبك شال
كدا همه
والا همه
لناس شايفاكى
يتغموا
ويتسموا بنى
ادمين
مادام الحزن
فى عينيكى
صبح بساتين
عشانك روسنا
تستاهل
تكون فى الطين
ومش لاقى
كلام ينفع
اقولهولك
اقولك ايه
وانا جنبك ماساوى
جنيه
ياريت كان الامل
عندى
يابنت الايه
كسرتى القلب
بالقسوه
اللى فى عنيكى
دبحتينى وعديتى
ياريتنى ماشوفتك
الليله
كسرتى الضهر
م الشيله
بهيه يامصر
م العيله
بهيه يامصر
م العيله ………

اشرف الشناوى
شاعر عاميه
البرامون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: