°°☆ماليش غيرك☆°°…..✍شعر : خالد المنصوري

ماليش غيرك

يارب ماليش غيرك
أنام واصحي في خيرك
رافع ايدي ليك يارب
ما تحوجني لحد غيرك

رميت حمولي عليك
وأموري سبتها بين اديك
إسمحلي أبكي لحظه
علي قلب كان ناسيك

ورجعلك برضو تاني
ف بعاده كان يعاني
والقسوه من نصيبه
والحزن ده اذاني

مالقتش أي أحباب
فجيت علي الابواب
الوحده دي ف ضلي
والكل عني غاب

مالقتش غيرك جمبي
أحكيله وأشكي همي
ورفعت ليك كفي
إغفرلي ياربي ذنبي

وبعفوك إروينى
ده قربك يداوينى
يسر يارب امرى
وبعطفك إهدينى

خالد المنصوري/مصر
25/1/2020

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: