أنا قلبى منكو اتقفل…..شعر أشرف الشناوي

أنا قلبى منكو
اتقفل
بالضبه والمفتاح
ياما زرعتوا
الوجع
وقتلتوا فيه افراح
وسرقتوا لون
غنوته
ماقدرش يوم
يرتاح
يغزل فى ليل
قسوته
يتمنى يلقى صباح
لافجر شال الامل
ولا ضحكه لاقيه
براح
دا أنا قلبى
من غدركم
شايل فى أيده
سلاح
قلبى اللى ياما
انكسر
قالوا عليه سفاح
تايه فى وسط
البشر
مش لاقى ليه
مفتاح
لابس فى توب
العرق
والحلم كله كفاح
يبنى حيطان
الورق
تخطفها منه رياح
يزرع ويرسم امل
تطرح غيطانه
نواح
دا أنا قلبى من
غدركم
اصبح ملان اشباح
وقفلته من بعدكم
بالضبه
والمفتاح
وقفلته من بعدكم
بالضبه
والمفتاح …….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: