بيني وبينك خطوتين…..شعر محمد مبارك

بينى وبينك خطوتين
بينى وبينك سدود
مش مجرد كلمتين
بصراحه نفسى اعود
بينى وبينك حاجات
زهقت خلاص م السكات
رغم اللى بينا مات
جوا منى موجود
بينى وبينك مشاعر
خلتنى فجأه شاعر
أكتب ليكى و بس
أصورك شجرة توت
بينى وبينك أحزان
بتعرف كلمة انسان
قد ايه بيكون ضعيف
محتاج حضن مفرود
بينى وبينك خيال
رفض كلمة محال
عالم تانى جمعنّا
سعاده بعشق وخلود
بينى وبينك أحلام
دبلتين وبيت وأمان
كنا بنواسى بعض
لو قابلنا طريق مسدود
بينى وبينك إحساس
مهما قابلنا من ناس
مش حنلاقى له شبه
مختلف وله شهود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: