الأربعاء , مارس 3 2021

طبيعي تغيير….قصيده للشاعره نجلاء نعيم

طبيعي تغيير
لكن كلمة هقولهالك
هوانا بخير
وقلبي فراشة بترفرف
عليك وتطير
وتعطش نور فبتجيلك
يحمّيها بضي الحب قنديلك
فتتلون بألوانها
وتدبل فيها احزانها
وتسحب روحها برة البير
وصدقني
لا غيرتك يوم هتخنقني
ولا احساسي بيك هيقل
ده أنا ف حر الزعل بجري
عليك انت تكونلي الضل
ولما اتعب
بميل واسند على حيطك
وبلضم حلمنا الغالي
بفتلة شوقي وبخيطك
فيتفسر على أدك
ومين زيك ومين ادك
عشان ألقى ف هواه تفسير
فكن واثق ومتأكد
واقولك تاني وبأكد
ده مهما تغيير
مفيش تغيير
مفيش غيرك
لانك غير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: