الثلاثاء , مارس 2 2021

إفتح الشباك ….قصيده للشاعر سعيد شكري

اللى باقى من سنين العمر لينا

مش ضرورى تكون .. عجاف
افتح الشباك لقلبك .. ع الحياة
اياك تخاف ..!!
حب روحك .. حب ناسك
حب كل الناس .. وعيش
كلمتين .. عقلك ف راسك
هنى قلبك من مافيش ..!!
ضحكتين .. فيهم خلاصك
ياما قلب الحر .. شاف ..!!

افتح الشباك ..
على النور اللى ساكن
جوه روح الطيبين
فوق خدود الورد ..
و ف كل الأماكن
حتى ف الناى الحزين ..!!
ليه تسيب الجرح .. ياخدك من حياتك
ليه بتنسي الجى .. وتعيش اللى فاتك
انكسارك مرة .. مش اخر المطاف ..!!

حب روحك .. حب ناسك
حب كل الناس .. وعيش
كلمتين .. عقلك ف راسك
هنى قلبك من مافيش ..!!
ضحكتين .. فيهم خلاصك
ياما قلب الحر .. شاف ..!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: