الأحد , نوفمبر 29 2020
أخبار عاجلة

يا كفّا المنجّي…..قصيده للشاعره ثناء درويش

يا كفّا المنجّي

صرلا عمر يا حب
كفا بحضن ايديك

لا انت فللتو
و لا هوي .. عالبعد
مسترجي

بشوفو متل عصفور
هربان من حر الدني و البرد
بشوفو طفل مدلوع
اتعوّد الغنجه

و مرات لما بتاخدو و بتجيب
بيبان هاك الكف
بقلب البحر موجه

بتقلبو طول الوقت
ضهر و بطن بتقمّرو
رغيف عا التنور
بتسكّرو و بتفتحو
صندوقك الفرجه

بشوفك ع ضو العين
عم تقراه
بتفكفك حروفو
بتعد .. بتهجّي

و لا بيخلصو الخطوط
بكفّا يا اسم الحب
و لا بيخلصو بوجّي

و بتبسطو بيدر
بتزرعو بالوعد
بتشم عطر الورد
بيصير كفّا كون
بيصير كفا سكون
لو عليت الضجّه

بتغمض عيونك
تبوسو متل قرآن
بتصلي عالسكيت :
يا كفا .. يا منجّي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: