جريدة العربى اليوم الاخبارية
وشوش …
وش يكون معاك بشوش
م ورى ضهرك تلاقيه بيحوش
اي خير يوم جاي عليك
وقت الجد معاك يبوش
وانت يعيني لسه معرفتوش
واكل شارب معه فيه مغشوش
ده حق ولازم يترد ليك
عايش طيب مسكين مجرحتوش
ووش تاني معاك قولت ميخونش
على الحلو والمر معاك ميـخيبش
في اول مطب صناعي وياك
قلب فيها ولا عجلة كاوتش
وعشان قلبك اصله رحيم مابيعرفش
يشيل من قلب ظلمه ولايرحمش
سايب امره لربه يصلح حاله
راضي بقلبك يفضل طيب ومايتغيرش
ووشوش كتير كتيره اوي حوالينا
مين قريب فيهم ومين علينا
قلوب خليت الشك فينا ساكن
ومين يشيل الشرخ اللي قسم ليالينا
