الأربعاء , أكتوبر 21 2020

الدكتور عمرو عبد العزيز يكتب: عن الحمل الأول.. نصائح وتحذيرات

مبروك .. انا حامل
اول حملي ليكي
• الحمل مسؤليه…الحمل نعمه .. وشكر النعمه هي الحفاظ عليها :
يلا نتابع حمل :
هدف متابعه الحمل: -الحمايه من مشاكل مرتبطه بالحمل مثل سكر الحمل وتسمم الحمل والنزيف
-علاج مشاكل الام والطفل بالحمل من انيميا وامساك.
-تعليم الام الاكل والشرب المهم والممنوع في الحمل.
والادويه الممنوعه وعلامات الخطوره
-التحاليل المطلوبه اول الحمل.
-سونار الطفل حول الوزن والتطور والماء من حوله.
-يلزم المتابعه مع دكتور شاطر وامين.
-عدم اخذ اي ادويه من مصادر مجهوله حتي لومن القريب امي او حماتي او صاحبتي.
-قطعا شعر البيبي لا يحدث حموضه
-والبيض المسلوق لا يسبب الزلال في البول
-الانف الكبيره ليس لها دلاله علي الحمل في ذكر
-حركه البيبي الكثيره ليس دليل علي الحمل في بنت
-اللبن ليس يحتاج مغات او حلاوه طحينيه.
-الزياره للطبيب كل 3 اسابيع حتي الشهر الثامن كل اسبوعين والشهر التاسع كل اسبوع.
مبروك فرحي زوجك و اتصلي لترتيب أول زيارة ليكي لطبيب النساء للمتابعة
و خلينا نعرف ايه التغييرات الوارد حدوثها خلال الفترة المقبلة
تغيرات الحمل على جسم السيدة الحامل
عايز اعرف حضرتك ايه التغيرات اللي حضرتك هاتبتدي تشعري بيها بالنسبة لجسم حضرتك عشان تبتدي تفرقي بين التغيرات دي تغيرات فسيولوجية طبيعية ولا لاقدر الله حاجة سيئة تبتدي ترجعي للدكتور بتاعك تقوليله عليها.
اول هذة التغيرات بالنسبة للرحم حجم الرحم بيكبر المفروض ف يبداية الحمل بيبقى وزنه من 5 جرام بيوصل لنهاية الحمل الى كيلو جرام كامل وطوله من 7 ونصف سم بيوصل لنهاية الحمل الى 35 سم . مع كبر حجم الرحم بيبدء يميل . معظم السيدات بيميل عندهم الى الجهة اليمنى وده اللي بيعمل ضغط وخاصة على النصف الايسر من اسفل البطن اللي بنسميه شد الاوتاد الرحمية وفيه حاجة تانية مرتبطة بيه وهي الانقباضات الرحمية اللى بتسميها مامتى ومامتك تفاسيح الولادة ودي بتبدء تظهر في الشهر الثامن وخاصة في الجزء التاني بتاعه او في الشهر التاسع ودي انقباضات رحمية غير منتظمة تبدء تيجي من حين الى اخر.
جزء كبير اوي بيتعرض للتغيرات وهو الثدي , الشدي في السيدة قبل الحمل كان منظر كان زينة بعد الحمل بقى ليه وظيفة تبدء الغدد الدوية تبقى مسئولة عن انتاج اللبن يبدء الثدي حجمه يكبر يبدء يظهر فيه حاجة اسمها الكلف اللى هو بيبدء بعض التغيرات الموجودة على سطح الثدي من اللون اللي بيظهر في الجلد يبدء العروق الموجودة على سطح الثدي ظاهرة وتبدء الحلمة لونها يغمق من اللون الوردي الى اللون البني.
فيه جزء تاني مرتبط بالثدي اللى هو حجمه بيكبر زي مااتفقنا وبيبقى مزند وتقيل واحساسه كأنه دافئ.
فيه جزء ثلني من الجلد اللى هو جلد البطن بتظهر فيه التشققات الموجودة في منطقة الجانبين. وفيه حاجة ثانية اللي هو الخط البني اللي موجود في المنطقة مابين الثديين الى منطقة العانة مرورا بمنطقة السرة.
كل دي تغيرات طبيعية بتحصل في جسم السيدة.
الجزء الثاني القصة بتاعت العظام يبدء يحصل عندها LORDOSIS يعني القصة كأني ماشية زي ماشية الملوك والمنطقة بتاعت اسفل الظهر تبدء توجعني شوية .
الجزء الثاني في العظام مرتبط بدخول الحمام بسبب ضغط الرحم على المثانة والست من حين لاخر تبدء تدخل الحمام ومرتبط بهرمون الحمل اللى هو بيعمل ارتخاء العضلة المسئولة عن دخول الحمام وتبدء تشتكي السيدة من دخول الحمام لفترات طويلة.
طبعا ماننساش القلب وزيادة دقات القلب والجزء الثاني اسمها انخفاض ضغط الدم في الحمل وخاصة في الثلاث شهور الوسطانين ودي علامة كويسة مش علامة سيئة اللى احنا بنخاف منه في الحمل لاقدرالله هو ارتفاع ضغط الدم في الحمل.
الجزء الاخير مرتبط بالتغيرات اللى بتحصل اللى هي زيادة نمو الشعر والقصة في التغيرات اللى بتحصل في الانف بس احب اطمنك ان التغيرات دي كلها او معظمها بيروح مجرد الولادة ودي كلها تغيرات بتحصل في الجسم عشان ربنا سبحانه وتعالى يبدء يمهده عشان يستقبل النطفة اللى بتتكون جواكي بس كتير من التغيرات بتروحبنهاية الحمل.

* الكاتب طبيب وجراح أمراض النساء والتوليد والعقم. مقدم برنامج دكتور العيلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: