الأحد , ديسمبر 6 2020

ايه خلى فيكي ….قصيده للشاعر أيمن الدسوقي

ايه خلى فيكي
السِكك تِضفَّر ؟
عن بُعدِك انا عاجز
و خايف منك لو اعبُر
ليه احلامي كما الصحرا
و وحدك
نهر م الكوثر ؟!!
و ليه انت سؤال
بلا اجابات ؟
و ليه أنا بلا إجابات
بأكبر ؟!!

واحشني حضنك الدامِع
و احشني تشبيكتي فيك
لا انا شايف و لا سامع
حاسسني ع الضّي مِتشعبّط
و منك ليك انا طالِع

انا ملكوت لوحديا
أنا كل الحمام في الكون
و قلبك للحمام غية
أنا اللي قلبك فاضه
و فضفاضه حِنية
في حُضنِك ,
أنا خاشِع
كما الصلوات
مرفوع
بلا عَمَد
كما السموات
اغفي ع الضمة دراعك
في الدفتر صلوات كتير
مَنسية !!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: