السبت , سبتمبر 26 2020
أخبار عاجلة

⭐🌣 ليلْ وسَهَرْ في بيروتْ 🏘 ….✍الشاعرة☜🏅جميلة شحادة🎙

ليلْ وسَهَرْ في بيروتْ
عَتمي وقمرْ في بيروتْ
غُرْبي ع شَطِّكْ
واحْجارْ منْ ياقوتْ
ومَراكبْ تِنْدَهْ ع البَحَّارَه
وصَدى النِدا مْنِ القَهِرْ مكبوتْ
***
توبِكْ الأبيضْ بيروتْ ما تِخْلَعي
عروسةِ الفرسانْ ضَلِّي تْدَلّعي
غَنّي وصوتِكْ إرفَعي
بوِجِّي اللي دمَرّوا البيوتْ
**
بيروتْ مهرِكْ عَ الغريبْ غالي
عِزِّة وكَرامي وحفْنِةْ أماني
ما تقبلي بالغدِرْ يا بيروت
ولوْ كانِ الدَهبْ تَمَنِ السكوتْ
**
بكرا اولادِكْ بِكْبرو
وع الحِّلمْ بيوعو يِسْهرو
تا يِرْجَعو يُرُشو الوردْ
ع بلدْ ما بتْموتْ
**
شِدِّي حيلِكْ يا بلدْ
وِآخيي بينْ البنتْ والولدْ
بالوِحدة عيشي يا بيروت
وخلِّي هالشِعارْ بالفِكِرْ منحوتْ
**************************
جميلة/ الناصرة
5.8.2020

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: