الإثنين , سبتمبر 28 2020

شوفيك.يابحر بيروت… ./ بقلم : ميرفت أبو حمزة

شو فيك
يا بحر بيروت!
سكران؟
شو لي مسكّرك؟!

ما الدم مش نبيذ
عا مخك يفوت!
ومش هديان!
معقول دم إخوتي عكّرك !؟

زعلان منك !؟
الي صار هد بيوت
نسيان!؟
ما الموت مبارح تذكّرك

زعلان منك
مقهقر وممقوت
لاء بكيان
عا دم أهلي لي عطّرك

كيف ماغرت
يا بحر عا بيروت
ليش ما صرت طوفان؟
معقول إحساسك ما خبرك !؟

خيّم يا الله عا سما بيروت
ليش غفلان؟!
ما الوجع خزقنا
وصوتو وصل عا مسمعك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: