الأربعاء , سبتمبر 30 2020

مربعات .. شعر : نشأت عطية

أنا نفسي بس في خيط حرير
وأعملي طيارة ورق
وافرد جناحى معاه وأطير
طيارة فوق كل القلق
……………………………..
أنا نفسى بس في واد صغير
أرمى عليه الشوق تلال
ومن خطاه هجري وأدور
علي قلب تانى يعيش حلال
…………………………….
أنا كلمة نابتة وف الشطوط
واقف علي بحر الأمل
بكتب والون في الخطوط
وأحضن غرامي بدون خجل
……………………………..
أنا نفسى حلمى يكون في نور
والصبح منه يتغزل
ولا اشوفشى منه كلمة زور
وكلامه كله يكون عسل
……………………………..
أنا من زمان ماشى في طريق
سبقاني فيه كل الحاجات
بجري وراها بشوق غريق
عمر الدقايق بالساعات
…………………….. ……..
أنا لو بإيدي لغيرك
ياعمر عشته وتاه مداه
واعشق بقلبي واحيرك
وأشرب كاساتي في منتهاه
……………………………….
الليل علي طرح الشجر
مادد بطوله ومستكين
نايم بدعوة من الغجر
والضحكة تايهة في الحنين
……………………… ………..
ياليل بينده عل الهلال
مستني طرح الشوق أمل
الفجر يجي بصوت بلال
وأيادي محتاجة لقبل
……………………… ………..
هتولي خيط وطولوه
واعملي طيارة ورق
وهطير معاه يمكن اتوه
وأنساني فوق.. من غير قلق
(مربعات)
(نشأت)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: