الأربعاء , سبتمبر 30 2020

صباح الفل علي عيونك…….شعر محمد ضباشه

صباح الفل علي عيونك
بخضار الزرع والساقية
قمر منور علي جفونك
كاتب علي الحياة باقية
علي سبورة بالطباشير
علي جناح أمل بيطير
علي سماعة لقلب عليل
علي صرخة ما هي لاقيه
بندعي ربنا يصونك
وياخد منك الظالمين
ويطرد كل مسكونك
من الفجرة وم الخاينين
وترسي بينا علي مرسي
ما فيها قلب راح يأسي
ولا ينسي
اللي تاه مننا يناديه
صباح متوضي بايمانك
منور سكة المساكين
اللي صبروا علشانك
وشربوا من القساوة طين
وكتبوا علي الكفن لقمة
وقضوها بلا هدمة
وماتوا ذل علي حقنة
تمنها فين هنا نلاقيه
صباح الفل والياسمين
علي كل ضمير عايش
لا بيطاطي ولا يطبل
ولا في توب الأصول كاشش
ولا بايش
ولا طايش
ولا مرمي
في حضن الفساد يحميه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: