الجمعة , مايو 7 2021

ماجد عادل يكتب علي الفيس …..انا بقالى فترة بدخل على مواقع وزارات الخارجية الأوروبية

انا بقالى فترة بدخل على مواقع وزارات الخارجية الأوروبية ببحث فى شروط وطرق الهجرة او السفر العادى عمل او دراسة
لحد دلوقتى مش فاهم حاجة وكل صفحة افتحها تدخلنى على روابط والروابط تدخلنى على روابط وملفات بى دى إف وكلام كتير عن قوانين الاتحاد الاوروبى وقوانين اتفاقية الكوميسا وهراء كتير من النوع دا وكلمات انجليزية معصلجة
الموضوع محتاج ماجيستير فى الأنجليزى وفى القوانين الدولية والاقليمية وخبرة لا تقل عن 5 سنوات فى المواثيق والاتفاقيات الخاصة والعامة بالاتحاد الاوروبى

دا غير ان موقع الخارجية الايطالية معمول بالايطالى
وانا مستوايا فى الايطالى هى الجمل البسيطة بتاعت المواطن البسيط الفلاح غير المتعلم من نوعية ( انا احب ابى ) و (اريد ان اشرب ) و ( يحيا نادى الميلان للأبد )

قعدت اتحسس طريقى زى طه حسين بعد ما اتعمى لحد موصلت لأحد البرامج التعليمية فى جامعة بولونيا اللى محتاجين فيها طلاب
بس مفهمتش هدرس ايه ومش لاقى -او فى الاغلب مش فاهم- حاجة مكتوبة عن نوعية البرنامج .. مش كاتبين غير عن الامتحانات وعدد الدرجات اللازمة للنجاح فى كل امتحان وفى المجموع الكلى
معرفش امتحانات ايه وزفت ايه على دماغ اللى جابوهم اللى ههتم اعرفها، مش لما ابقى اسافر واستقر وادخل الجامعة الاول واتعرف على اصحاب وصاحبات بيج بوبز واعرف مواعيد المحاضرات عشان ابقى ازوغ منها بعد كدا
دا غير انى مش عارف اقدم ازاى فى البرنامج

عموما انا كاتب البوست دا عشان لو فيه بروفيسور فى جامعة بولونيا بيفهم عربى ووصل لبروفايلى وقرا البوست يدلنى على طريقة التقديم فى جامعتهم العريقة العظيمة البكر الرشيد

 
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: