الأربعاء , مايو 12 2021

إحساس برئ…..قصيده للشاعر محمود يونس

إحساس برئ

أنا واحد كان فاكر إنه

ممكن يتعشم ويلاقى

كان فاكر الدنيا بخير

والإحساس بالناس تلقائى

فجأه عاش إحساس الغابه

بقى وسط تعالب وديابه

والصورة اللى رسمها اتمسحت

والفرحه اتقلبت لكآبه

مع تجربه والتانيه إتعلم

لازم يسكت مهما إتالم

ويدارى ويصبر على جرحه

مهما الجرح إشتد وعلّم

علشان يحفظ بعض الشئ

إحساس كان عايشه برئ

بقى يقعد ويا الاطفال

بقى عايش نفس الإحساس

أو يسرح مع زهره بريئه

علشان يقدر ينسى الناس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: