السبت , أكتوبر 24 2020

الشاعرة مايسة العشي تكتب : صدى صوتي

صدى صوتي بيتردد
فى وسط سكوتي
بيرفض لحظه يكون موتي
تموت الكلمه جوايا
تموت الفرحه وياياه
واهو العمر اهو راح
وساب القلب كله جراح
وعدى وكان كانه ماكان

صدى صوتى بيعلن اني
خلاص تبت عن التفكير
تبت عن التدبير
وبطلت انا اجرى ورا حلمي
مهو الحلم ده كان وهم
من الاوهام
بنضحك بيه على الايام
زمن خايب وكله الام
عيون دبلانه من الحرمان

صدى صوتي بيتردد
فى وسط سكوتي
ورغم الزحمه من حواليه
احس بغربتي مره
واقول مره
تعالى نبدد الاحزان
ونبدا تانى من الاول
ونقطه ومد لى ايديك
وهات صوتك واحضني
نغنى لحننا الماضي
مهو الوقت مهوش راضي
على الغربه وع الحرمان
ماليش غيرك ولا انسان
و تاهه مننا العنوان

وده قصدي
عشان شايفك على بعدي
بتتعذب من الحرمان
واقولها كمان
صدى صوتي بينده لك
تعالى وعد ايامنا
وننسي كل الامنا
واحضن حلمي وياك
واتهنى وانا معاك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: