الثلاثاء , ديسمبر 1 2020

عباس أبو شنب يكتب :بلد لها تاريخ

بص يا انسان وتأمل حضارة بناها متعلم طيبة هى عاصمتها والاهرامات هى روعتها
حضارة محصلتش فى اى دول ولا حصلت فى العالم يكفيها انه اول ما تنشاف الاهرامات الناس تعرف انها تابعة لمصر يكفيها انه اللى يشوف ابو الهول يعرف مصر اتحدى كل الدول وكل طلاب فنون جميلة ان يخترعو الوان مزهلة كدا زى اللى بنشوفها فى الحضارة المصرية وتقعد 20 سنة فقط زى ما هى لو نشوف الالوان اللى بيستخدموها القدماء المصريين فى طلاء التماثيل والاثار بأذهل من كم الجمال وازى عرفو يستخلصوها لا وكمان تعيش الااف السنين وحاليا انا بردو بتعجب من المسؤليين يجيبو بعثات من برا للتنقيب عن الاثار.
و احنا عندنا خبراء وعلماء فى علم الاثار يخلونا نكتفى بنفسنا فقط دون اللجوء للبعثات الخارجية عندنا خبراء للتنقيب مزهلون عندنا نقدر نخلى البلد كلها تشتغل فى الاثار والسياحة من عظمة هذة الحضارة دول مكنوش مجرد اجداد وارث تاريخى لا دول عظماء
اول اطباء كانو من القدماء المصريين اول من عمل الهندسه القدماء المصريين اول من نحت وحول الصخور لتماثيل هما القدماء المصريين العالم بيستغرب من هذة الحضارة وبيقولو دا مش شغل بنى ادميين دا شغل فضائيين ولكن لا ( انهم المصريين) شوفو علم الفلك ازاى ابدعو فيه القدماء المصريين هما من هندسو بدقة وفلكيا لتعامد الشمس على تمثال الملك رمسيس وعلم التحنيط ازاى عرفو يبدعو فيه وان توجد جثث بدون ان تتحل كل هذة السنين
وازين كلامى ب بص يا انسان وتامل حضارة بناها متعلم طيبة هى عاصمتها والاهرامات هى روعتها اتمنى تكون شعار بكل لغات العالم فى المتحف المصرى
واطلب من وزارة الاثارة ان يعملو افلام وثائقية عن حضارة مصر والسياحة فى مصر والاماكن فى كل انحاء مصر ويقول عاوز اقول على حاجة وبس مفيش غير مصر وبس
وبطلب من المواطنيين المصريين ان يتعاملو مع السياح بأمانة وصدق وبلاش الفهلوة والنصب وبلاش الاسعار الخرافية خلينا كلنا نكون صورة حلوة لبلدنا علشان السايح يرجع مصر تانى عاوزين نكون سمعتنا طيبة فى الخارج دا فى القران الكريم لما عزيز مصر التقى ب يوسف ورجع به لبيته قال لزوجتة اكرمى مثواه يعنى الكرم من صفات اهل مصر واطلب من وزارة الاثار المصرية ان تأخذ كل شئ بجدية واى مكان فى اثار تنقب عنه وان تراقب كل هذة المناطق بكاميرات حديثة لحماية هذا الارث العظيم واخيرا احب ان اتكلم عن قرية دشاشة اللى بها جبل ملئ اثار كثيرة بتنهب من اللصوص وكل محافظات مصر ارجو ان تنقبو فى هذة المناطق وتجيبو علماء اثار مصريين مش هياخدو اموال مهوله زى البعثات الخارجية وكمان هيعمل سبق صحفى وتاريخى رائع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: