الثلاثاء , ديسمبر 1 2020

عباس أبو شنب يكتب :شباب مصر رايح على فين

شباب مصر حاليا الشباب المصرى يثيرون الخوف والقلق بين الاهالى عن كمية الشباب المدمن اللى بنشوفه يوميا يرعب واللى بيضرب استروكس او بانجو او مخدرات ولاغيين عقولهم شباب تايه ،شباب المفروض يكونو عون ونصره لأهاليهم بقو حمل وعبئ على اهاليهم بسبب الادمان لازم نلحق الشباب المصرى دول. هما ثروة مصر وهما نهضة مصر وهما عون مصر الحقوهم وانقذوهم من الانهيار والدمار حاليا بشوف الشباب المدمن واللى بيتسولو ويعتبر دى اسهل شغلانه لهم او يتبلطجو على اى واحد ركن بعربية فى مكان مختلف تحت مسمى السايس لنهب الشعب وسرقته.. وكل محافظة فى مصر فيها اماكن لبيع المخدرات والهباب دا للشباب المصرى.. أانا كا مواطن مصرى بطلب من سيادة الرئيس عمل حملة على مستوى الجمهورية بلم الشباب المدمن اللى موجودين فى الشوارع امام اعينا ليل نهار ويعملولهم تحليل لكشف نسبة المخدرات فى الجسم واللى يلاقوه مدمن ياخد من سنة ل6 شهور فى شغل تبع البلد فى مكان صحراوى او جبلى او اماكن زراعية للزرع والحصد . وياخدو مبالغ مقابل شغلهم ورعايا صحية لغاية ما يتعافو منها.منها بنو البلد وزرعو وعمرو ومنها اتعالجو من الادمان اللى بينهش فى جسدهم وحاليا بسبب المخدرات بنشوف البلطجة الزايدة والخناقات البشعة مابين مجموعات من الشباب بجد ارجو ان تفعلو القانون والبلطجية والمجرمين ياخدو العقوبة الازمة على افعالهم المشاغبة واللى بتسبب ارهاب وخوف للناس العاديين المسالمين .. وعاوزين نشر خط ساخن للمواطنين على قنوات التلفزيون والشعب يساعد الشباب دول واللى يلاقى عنده شباب مدمن فى الشارع او فى نفس المحل السكنى ان يبلغو عنهم لانقاذهم من الضياع والانهيار .. المصرى لما بيخرج برا مصر بيبدع المهندس بيطور ويبدع والدكتور بيبحث عن علاجات جديدة ويبدع معقولة نكون برا بلدنا مبدعين ومتطورين كدا وجوا بلدنا الشباب يدمن ويضيع دى مصر بلد العظماء وبلد الحضارات .، اسأل مسؤل مصرى لو جم بلد معادية تصور الشباب المدمن اللى موجودين فى الشوارع ايه منظرنا فى الخارج .والشباب لو فضل عاطل ومدمن هتكون الحكومة بردو مسؤلة عن اكله وشربه ورعايتة بدون اى انتاج منهم ..استحلفكم بالله اللى فحتو قناة السويس بالمقطف كان فيهم حد مدمن استحلفكم بالله اللى بنى السد العالى كانو مدمنين استحلفكم بالله اللى عبرو خط برليف كانو مدمنين اكيد لا كانو ناس عندهم محبة اتجاه وطنهم كانو شباب رجاله وشباب متحملين المسؤلية وشباب يعتمد عليه والشباب اللى دمر ايلات والشباب اللى حاربو فى الاستنزاف كلهم كانو رجاله اولاد رجاله محبين لبلدهم حافظو على شباب مصر من الضياع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: