الثلاثاء , أغسطس 3 2021

ربيع الحسينى يكتب : حقك علي يامحمد رمضان !! .. أنا آسف !!

اسف جدا انى اتكلمت على الفيديو اللى فيه محمد رمضان بيغنى مع مجموعة الصهاينه..
واسف انى علقت انه اتصور مع صهاينه
معلش حقك عليا
اصل انا من الجيل اللى داق مرار النكسه وانا طفل صغير..
وشاف الرايات السوداء على البيوت دلاله على وجود شهيد..
وشوفت المصابين وهما راجعين ف القطر الحربى.. اللى ناقص ايد واللى ناقص رجل.. واللى فاقدهم كلهم..
انا اسف مقدرتش ادخل معاكم ف الصف واقول اصل احنا فى سلام.. سلام سياسى.. لم يصل الى التطبيع
انا اسف انا بتصرف بوجدانى انا واحساسى انا.. ومشاعرى انا نحو هذا الكيان..
مهما بررت.. ومهما جبت لى صور مشابهه لاشخاص تانيه اتصوروا مع صهاينه
انا اسف رغم حلاوة النصر فى 73.. لم تذهب مرارة الهزيمة ونذالة الصهاينة ووساختهم
ولم ولن ننسى الشهداء والمصابين..
وقتل الاسرى المصريين .. ودفنهم أحياء فى مقابر جماعية
انا اسفيامحمد رمضان .. حقك علي
بس عاوزك تعرف الحقائق دي
وتقتطع من وقتك الثمين جدا لتقرأ شوية عنها
لتعرف وتتنور وتدرك حقيقة اللى انت هببته حتى ولو بدون قصد
الفنان ياولدي لازم يكون ملو هدومه .. فهم وثقافة ومعرفة وادراك ، مش فلوس بس
علشان يعرف يمثل بلده كويس
علشان يقف يتكلم عنها صح .. ويعبر عنها بطلاقة وليس بخزي وجهل !!
علشان يزيد منها ويرتقى اليها ..
فيزيد بها وتضيف اليه عمرا جديدا الى عمره
فاهم يارمضان
ان ماكنتش فاهم
حاول ياابنى تفهم !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: