الخميس , يناير 28 2021

أنتَ فين : الشاعر مجدي حسن

قصيدة/ انتٓ فين
انتٓ فين كنت جنبى من يومين
نفسى اقابلك نفسى اقولك كلمتين
كنت ساكن جوّا قلبى كنت نبضُه وضى عين
والاماكن بيك ياحبى والأمانى مزروعين
مين يونّس قلبى بٓعدك وانتٓ ساكن فيه لوحدك
كنت بتخليه يدوق معنى السعاده
كنت ساكن فيه وليك انتٓ السياده
كنا عاشقين الحكايه م البدايه للنهايه
عشت جنبك دنيا تانيه عشقها كان ليك وبيك
كل لحظه وكل ثانيه شفتها بس بعينيك
مش هقوم الصبح بدرى على بوسه م الجبين؟
والقا فى عيونك ياعمرى نظرتين لهفه وحنين
مين يساوى بإيده شٓعرى واجرى وأبوس الإيدين
هان عليك تكسر بخاطرى هان عليك عشرة سنين
اتحسدنا م البشر واللا بُعدك كان قدر
واللا مكتوبلى اعيش ليلى منغير القمر
لمّا هتبيع اللى فات ليه سايبلى الذكريات
كل لحظة حب بيننا خدها خد كل الحاجات
ليه بتحرم قلبى منك عمره يوم ما استغنى عنك
اعمل ايه ياحبيبى بٓعدك اعمل ايه بكلمة حبيبى
ليه كتبت عليا بُعدك قولت ليه للشمس غيبى
شعر/ مجدى حسن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: