كتاب وشعراء

نادية البسيوني تكتب … بكرة اقابلك

الشاعرة/نادية البسيونى
بكرة اقابلك
———————
تفتكر هانعيش لبكرة
والألم راح يبقى ذكرى

جايز الحلم يهاودنا
والطريق اللى اترسم نلقاه قابلنا
وتلاحقنا ألف نجمة
تجمع الأحلام فى إيدنا

ألف نجمة ازاى فى إيدنا
والليالي بتعاندنا
واما نرسم خط أبيض
ترجع الأيام تشخبط

شيء يلخبط
لما تلقى الكون ملخبط
لما تتحسس ملامحك
وانت مش دريان بنفسك

لما كل الطير يهاجرك
والشوارع والحواري
تنسى اسمك

وانت قلبك
جوه كورة كبيرة قاسية
ضرب طرح وشد قسمة

حتى اسمك راح وقالك
بكرة اقابلك
 ————————

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى