مني الشيخ تكتب علي الفيس ….فيه أخبار متستحقش التعليق عليها

في اخبار بلاقيني مش عايزه حتي اعلق عليها بيني و بين نفسي ،، خصوصا المشبوهه ،،،يعني الجاني او المجني عليه ساقطين عندي من الاول ،، و غير مقتنعه بسلوكهم و لا أداؤهم ،،،
قضيه ميرهان اللي مثلت دور ولا اتنين و سمت نفسها فنانه و انتمت لنقابة الممثلين ،، بتشرب خمرا لا يعنيني طبعا ،، لو كانت سايقه و سكرانه اكيد القانون يمنع ،، ايه حقيقه اللي حصل الله اعلم ،، أتوقع سيناريوهات مختلفه ، مش مهم مين بدأ بالتنطيط و الغلط ، انا واثقه ان هي و الظابط وقعوا في الغلط بنفس اداء نفس المشاكل الشبيهه كل مره ،،، اخرها فتاه المطار …
دخول نقيب الممثلين ، دا شغله يدافع عن اي حد ينتمي لنقابته ،،
لكن هل فعلا ميرهان ممثله عظيمه و قدمت اعمال مهمه ترقي ان الدنيا تقوم و تقعد عليها ،،، اولا هي في النهايه مواطنه اذا غلطت تحاسب و اذا ليها حق تاخده طبعا … بدون افوره ،،، كتير اوي بيتعرضوا يوميا لأشكال كتير من التنكيل و التعذيب و السحل و هم جديرون بالمسانده و الدعم ..
اما الظباط اللي بينتقموا من مواقف شخصيه بواسطة مهنتهم ، أظنهم مجرمين ، محتاجين أعاده تأهيل ،و احيانا أعاده ربايه ،،،،،
غصب عني مش قادره أتعاطف مع اي حد ،، الكل سفيه و مجرم ، كلهم دخلوا مهن لا يستحقوها ، شوهوا معناها و معالمها ، هي مش ممثله قد ماهي واحده زي آلاف دخلوا الوسط و هو يتحمل دخول اي جثه جديده
و الظابط اكيد من عينه اللي فاهمين نفسهم فوق القانون و مستعد يخفي إنسان اذا أرادوا يلبسه قضيه من اياهم . و تاريخهم طويل و يشهد …
بالتالي ماحدش صعبان عليا ،، لا البلطجي الظابط و لا السكرانه الضايعه التانيه ….
الموقف بالنسبالي ،،، مجرد حاجه تقرف و بس …..

 
 

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: