كتاب وشعراء

دوبنى هواك…..بقلم أشرف الشناوي

دوبنى هواك
زى السكر
جواك من غير
حتى مافكر
وخادتنى ايديك
وديتنى بعيد
اكتر واكتر
اشتاق واشتاق
واعطش واشتاق
وارجع من غير
حتى مابشرب
طب قولى ازاى
منك هاهرب
وتسيبنى احتار
بين جنه ونار
وازاى هاختار
وانت الأشطر
وعينيك قضبان
سجن وسجان
وعليهم ميت
حارس واكتر
دوبنى هواك
زى السكر
خايف لااتوه
جواك وابعد
وارجع وأنا شايل
احزانى
واتوه جواك
من غير مالقاك
او تلقانى
انا عاوز بس
اخد وادى
تخطفنى وليه
وانت معدى
مش كنت تقول
انك راجع
وياك اسلحتك
ومدافع
وعاوزنى ازاي
بس ادافع
وانت المحتل
بجبروته
وانا قلبى لوحده
بنبوته
وعيدان ياسمين
ليه هايموتوا
بشويش على قلبى
عشان دايب
سهمك فى النن
ياواد صايب
مشواره طويل
من غير قنديل
وبيتكفى
لو كنت اكيد
بتحبه اكيد
ليه تتشفى
دور جواك تلقانى
هناك
اكتر واحد حب
ووفا …………….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى