السبت , مارس 6 2021

الجراب مليان ياحاوى بقلم الشاعر// مصطفي تيسير

الجراب مليان يا حاوي
الجراب مليان حكاوي
الجراب مليان غناوي
و انت خدت الدنيا لف
الزمان ع الخد علم كَف كَف
لسه حلمك حلم طير
و الزمن ما بقاش بخير
خدت ايه م الدنيا غير
توب بيستر بس شَف
الزمان ع الخد علم كَف كَف
الجراب مليان دموع
و الهموم حاضنة الضلوع
و النجوم رافضه الطلوع
دمع عينك سال ما جف
الزمان ع الخد علم كَف كَف
الجراب مليان حقايق
اللي راكب و اللي سايق
دنيا خلصانه في دقايق
عمر حملك يوم ما خف
الزمان ع الخد علم كَف كَف
الجراب مليان مهانه
وسط أرواحنا الجعانه
إحنا إيه غير سد خانه
لما نيل العدل جف
الزمان ع الخد علم كَف كَف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: