الإثنين , سبتمبر 21 2020

فى حاجة فيك مش عارفاها…..قصيده للشاعره وفاء بغدادي

فى حاجة فيك مش عارفاها

يمكن لو شفتك ألقاها

وحياتى الفاضلة تكون فاضله

ترسمنى هناك

ضحكة بنوته ف اللفة

مشفتش الدنيا اﻻ معاك
والدنيا الفاضية اللى ف بعدك
بعيونك تيجى و تمﻻها
فى حاجة فيك مش عارفاها
بتخلى الوقت يكون أحلى
لو حتى بعيد
وتخلى الدمعة اللى بتنزل 
علشانك عيد
وتخلى الحرمان بمرارته
يتحول لحاجات حساها
فى حاجة فيك…. 
مش عارفاها
بتطمنى 
ان انا جواك
وان عشت
يكون حبك روحى
وان مت هاكون لك برضه ملاك
حافتحلك باب الروح جنة
انا مش نسياك
والحاجة اللى بتشبه روحى
مش ح انساها
فى حاجة فيك بتطمنى مش عارفاها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: