جريدة العربى اليوم الاخبارية
نحن في حاجة إلي نقابة للمرضي تحميهم أيضاً من جبروت أصحاب الروب الأبيض .
موقفي من الشرطة معروف .. لكن كمان عايز تحدد موقفك من الأطباء في المستشفيات شوف منظرهم وبرودهم وانت بتدور علي واحد فيهم ما بين الغرف والأدوار عشان عندك حالة طوارئ وكل دقيقة تأخير فيها بتفرق وبعد مايكون نفسك اتقطع وانت بتدور عليه تلاقيه مستغرب إنك بتستعجله لإن حضرته كان نايم في وقت المفروض يكون هو وطاقم التمريض بتاعه جاهزين علي مدار الثانية لأي حالة طوارئ .. لكن الحال إن مريضك يموت ولا تفتح بقك بكلمة عشان جنابه ميزعلش .. وانت محتاج منه يشوف حالة مريضك بضمير.
قالبين الدنيا قال علشان بيقولوا كرامة المهنة .. طب كرامة المريض المتبعترة في كل مستشفيات مصر مين يحميها من تساهلكم وقلة ضميركم وكسلكم ونومكم في ساعات العمل ..
زي ما انتوا زعلانين علي كرامة الأطباء افتكروا برضو إن ملايين من المرضي معندهمش نقابة تحميهم من تجبركم وقلة ضميركم في المستشفيات ..
