جريدة العربى اليوم الاخبارية
#كل_قلب_..!!
كل قلب وفيه كفايته
كل جرح وله حكايته
مرة هجر و مرة غيرة
كل مرة حاجات كتيرة
واللى صعب ف أوله
صعب ف نهايته ..!!
هى دى قسمتنا ويا الحب … وللا ..؟
كل مرة نقول ياحب نلاقى زمانه ولى ..!!
كل مانفكر ف روحنا … تبان جروحنا
كل مانطيب ف جرح … نلاقى علة ..!!
مرة هجر و مرة غيرة
كل مرة حاجات كتيرة
واللى صعب ف أوله
صعب ف نهايته ..!!
ليه ياأجمل ما ف حياتنا .. تزيد عذابنا
مش كفاية العمر فاتنا .. وضاع شبابنا
دى الحياة عشناها .. دوامة ومتاهة
والجراح هياها .. وبرضه نقول نصيبنا ..!!
مرة هجر و مرة غيرة
كل مرة حاجات كتيرة
واللى صعب ف أوله
صعب ف نهايته ..!!
