الأحد , مايو 16 2021

مسلسل القاهرة_كابول

كتب :خالد عاشور

فتحي عبد الوهاب رائع في دور “طارق كساب” اللي بيتناص حد التطابق مع شخصية “يسري فودة”.. فتحي عبد الوهاب من الممثلين الجامدين اللي يقوم بمسلسل لوحده وهو سايب ايديه.. تفوق على الجميع بجانب خالد لطفي في دور “الشيخ رمزي” وحنان مطاوع الساحرة.. الإخراج حلو قوي لحسام على.. حالة نوستالجيا لمصر كلها وخصوصا في عرض زمن الستينات ورؤية محايدة لهزيمة 67 كهزيمة مرة وليست نكسة كما أطلق عليها دلعاً.. الكادرات ساحرة.. لكن عندي مشكلة مع الكاتب عبد الرحيم كمال.. فيه ناس بتزعل من الحقيقة والصراحة.. السيناريو ترهل منه.. الفكرة بتبقي حلوة ويجي عبد الرحيم كمال يفرش لأكتر من قصة وحدث بدون ما يعرف يلمهم.. دي مشكلة عبد الرحيم كمال وخاصة بعد ما اتعرف.. الأول كان بيكتب بحساب.. دلوقتي اصيب بمرض المط والترهل في السيناريو اللي بيكون فيه جوانب بتهرب منه مبيعرفش يمسكها لأنه بيفرش قماشة اكبر من اللازم.. فبيبان ان المسلسل فيه ترقيع.. اللي انقذ المسلسل لغاية دلوقتي الممثلين والمخرج والاضاءة والديكور.. لكن بكل صراحة عبد الرحيم كمال وسعت منه وبهوقت.. دي مشكلة اي سيناريست.. السيناريهوات للمسلسلات الأجنبية حتى لو كانت الحلقة طويلة لكن بتبقى محسوبة بدقة.. ده اللي خلى المسلسل فيه مشكلة في السيناريو.. لكن على مستوى الأخراج والتمثيل والأضاءة والممثلين تحفة فنية.. يستحق المشاهدة لغاية ما نشوف عبد الرحيم كمال هايعرف يلم قماشة السيناريو ولا زي عاداته في السنين الأخيرة بيفرش شخصيات كتير ومبيعرفش يلمها او يوظفها.. اتمنى ظني يخيب لأن القاهرة كابول من المسلسلات اللي منتظرها بشغف.
قد تكون صورة لـ ‏‏‏٥‏ أشخاص‏ و‏نص‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: