الأحد , مايو 16 2021

مسلسل ضد_الكسر

كتب :خالد عاشور

الحلقة الأولى من مسلسل ضد الكسر خرجت حلوة.. اخراج جميل لأحمد خالد وكادرات وموسيقي تصويرية حلوة لخالد الكمار.. السيناريو مكتوب حلو لعمرو الدالى وتفوق في الحلقة الأولى لمحمد فراج اللي يقف معاه على نفس الدرجة في التفوق لؤي عمران وحمزة العيلي.. الأتنين عندهم حضور لا يقل عن محمد فراج.. حتى لقاء الخميسي في دورها السمج كارستقراطية قدمته بالسماجة المطلوبة اللي تكرهك في الممثل.. وده نجاح للدور والممثل.. محمد السويسي لسه بيسخن هو وهشام اسماعيل.. لكن مصطفى درويش عنده حضور وبيدخل في الصميم ويلبس الشخصية بسرعة.. الديكور تحفه متوظف صح في كل كادر.. فوزي العوامري من مصممي الديكور اللي مش ساهلين.. لازم تركز على الديكور عنده لأنه بيوظف كل حاجة عنده لها معنى.. نيلي كريم لسه ما نزلتش الحلبة علشان نحكم عليها.. الكام لقطة اللي ظهرت فيهم باعتبرهم تسخين قبل الماتش الرئيسي.. لسه مفاجأتها مبتظهرش دلوقتي اللي بيبينها كلمات اغنية التتر الحلوة.. مع ان كارول سماحة مقدرتش تعبر عنها للاسف.. يمكن اكون غلط.. بس كارول سماحة صوت هادي.. كانت عايزة مطربة صوتها قوي.. ضد الكسر من المسلسلات اللي كنت منتظرها والحلقة الأولى بتقول انه مسلسل قوي في المارثون الا من بعض الأخطاء في التتر في كتابة العناوين وبعض الكلمات ياريت المخرج يعيد تصحيحها لأن التتر عنوان اي مسلسل.. فاي خطأ فيه بيدي صورة مش كويسة للعمل وخاصة لو الخطأ في اللغة والحروف والكتابة.
ضد الكسر.. مسلسل مهم هانشوف الحلقات اللي جاية ومفاجأت نيلي كريم وسيناريو عمرو الدالي واخراج أحمد خالد.. بس لازم تراجعوا التتر تاني لأن فيه اخطاء في كتابة الكلمات.
المسلسل الثالث في اهم مسلسلات رمضان السنة دي.
قد تكون صورة لـ ‏‏شخص واحد‏ و‏نص‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: