الجمعة , سبتمبر 25 2020

سلوي محسن يكتب…..مينى_مينا_اشرف_منكم_

المسيطرين من كبار اصحاب سلاسل الصيدليات على غرفة صناعة الأدوية انتهزوا فرصة انخفاض قيمة الجنيه عشان يغلوا الأسعار الغالية أصلا، الشركات العاملة فى مجال انتاج الدواء ومستلزمات الصحة والتجميل بتكسب من السلع غير الدوائية اكتر من الدوا حتى لو كانت بتخسر فى الدوا ففى الآخر المنتجات شايله بعضها،

ولان الشركات دى زيها زى كل الشركات ومزانيتها زيها زى كل الميزانيات اللى احنا منعرفهاش، فبيحددوا السعر بمزاجهم مش على اساس حسابات وموازنات، رغم ان الدوا هو المنتج الوحيد اللى له سعر جبرى لان اللى بينتجه بياخد اعفاءات ضريبة فى قمابل كدا

من اهم اصحاب السلاسل المسيطرة على غرفة صناعة الأدوية -لانه رئيسها هو “العزبى” صاحب سلاسل صيدليات العزبى ( احمد العزبى) اللى هو بالمناسبة مستشار السيسى لشئون الدواء ( مسكوا القط مفتاح الكرار، تفتكروا ليه؟) وقال ايه نقابة الصيادلة شطبته لانه بيخالف التسعير (شوف ازاى؟)
المهم فى الحكاية ان ازمة الدوا اخت ازمة السكر والرز والزيت ….الخ امنعهم خلى السوق يعطش والناس تضج ، ساعتها ننزل بالسعر اللى احنا عايزينه والناس هترضى غصب عن نن عينها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: