الأحد , يونيو 20 2021

محمد موسي يكتب :مبقاش مجرد اختراق

أرجو أن تصبر و تقرأ ولا تتسرع و تستطول المقال …
ستستفيد بعلوم ممتاذ و ستفخر بعقول عربية … و ستستفيد جدا … و هتدعي لي و تشكرني في تعليقك …
….
مش عارف اجيبهالك ازاي ….
بس الفلسطينيين ضربو احد بطاريات الدفاع الارضي المكونة لمنظومة منصات القبة الحديدية … الاقوى عالميا!
مبقاش مجرد اختراق حضرتك… انتا بتتكلم انك بتستهدف المنصة نفسها وقادر انك تصيبها! …. صاروخ … درونز … انتا الان في الجو !

اللي دارس مقذوفات في ميكانيكا او تصميم منتجات ميكانيكية يقولك ان عشان تصيب هدف حتى لو ثابت لازم تكون عارف مكانه واحداثياته وسرعة الهواء ودرجة الحرارة والمؤثرات المختلفة … كاضغط الجوي ومسافة الرحلة والتسارع المتدرج من مخزون مادة الاطلاق وتذبذب السرعة للمقذوف ونوع مادة الاشتعال والمواد المالئة والوزن والايرودايناميك للمقذوف و … و…. و … مادة بتدرس في سنتين .
وان عشان تخترق منظومة دفاعية في شئ يسمى بالمشتتات او الاهداف الوهمية بيتم اطلاقها عشان تشتت الدفاعات وبيكون في احداثيات لكل قذيفة وهمية مهمتها انها تنهك المضادات الارضية وتشتتها واستنزاف مخزونها لتعزيز فرصة وصول القذيفة الام للهدف … اللي حصل ان كون صواريخ تخترق القبة فأنت تعلم حرفيا عدد المقذوفات اللازم لتخطي كميات الاطلاق في الثانية وكمية مخزون البطارية عشان توصل للهدف …. فما بالك لو الهدف المنصة نفسها !
نقطة ومن اول السطر .
وبجزء شبه عملي ولو قاعد مع حد من حرب اكتوبر على المضادات الارضية يقولك ان المصريين رغم تهالك سلاح السوفيت كانو بيقدروا يميزوا المشتتات دي manually مع الطيران !!

القبة الحديدية اثبتت انها بطيخة وان الضباط في ٧٣ كانو افضل يدويا على شاشات الرادار من القبة مع اختلاف الكمية والزمن والتكنولوجيا والتوزيع والتغطية .

وده يعني ان القبة الحديدية اي ماسورة حشو بتعبر فوق مداها بتعتبر هدف حقيقي وبيتم استنزافها بيه.. بعكس المصريين اللي كانو بيضربوا الهدف رغم المشتتات …
انتا الان ترى بركة ربك يا مؤمن على الارض !!!

المفاجئة ان اي خطأ فني في تسارع الصواريخ الفلسطينية قد يكون ميزة !!
يعني الحشو لما يتغير وتزيد سرعته كمقذوف عشوائي هايغير من معدل تقدمه بشكل عشوائي وبالتالي حتى الخلل في الحشو للاجسام الوهمية بقى بيستنزف اكتر !
لأن المقذوف المستهدف بيتغير مكان سقوطه وسرعته بشكل غير متوقع … وبالتالي تصبح السماء زحمة والطريق فاضي … فيكون الجو غير آمن… وبلغة اخرى الفلسطينيين عملو حظر جوي على الصهاينة !!!
كأنك ماسك طوبة على واحد بيهرول بسرعة ٥ كلم في الساعة …
فجأة ومرة واحدة جري بسرعة ٣٠ كلم / الساعة بعد ما انتا رميت الطوبة في المكان اللي كان هايوصله … المفاجأة بقى
ان صواريخ الصهاينة فيها قدرة تتبع … ودي بقت كارثة في الحالة دي … ليه ؟
لأنها في ظرف ما في وقت ما هتزيد احتمالية انها بدل ما تصيب الهدف من الأسفل الى اصابته من أعلى رغم انطلاقه من الاسفل ! U يعني بيعمل U-Turn … بس ماذا لو كان ان بعد الالتفاف ده اقترب الصاروخ الوهمي للأرض ؟
شاطر … هاينفجر الصاروخ الاسرائيلي على جسم اسرائيلي على الارض…. تييييت …. يعني الجسم الوهمي الفلسطيني حقق اصابة ولو مافهوش حشو متفجر ! …. واشرب يا ليشع صاروخك ضرب ابوك …

مش بس كده ده بعض الفيديوهات اظهرت ارتداد احد الدفاعات الارضية وسقوطها وسط المستوطنات نتيجة الاصطدام بصاروخ والصاروخ كان واضح انه مش برأس متفجر …. يعني الفلسطينيين بيوفروا فلوس … ويستنزفوا خزينة جيش الدفاع !

مستقبل الترسانة الفلسطينية قد يكون مرعبا للصهاينة وكأن المستقبل هو ان اي جسر جوي لإمداد الصهاينة هايكون في خطر حرفيا الفلسطينيين عملوا حظر جوي عالصهاينة في كامل الجو الفلسطيني المحتل ! وبالتالي مستقبلا اذا استمر التطور على خير هايكون عزل اسرائيل عن العالم حال تطور التكنولوجيا الفلسطينية مستقبلا … وخوض حرب عصابات في الجو … واشلاء القذايف تكون من نصيب المستوطنات 😂!
الان بيحدث في فلسطين المحتلة حرفيا
NO FLY ZONES & Airflight ban عموما
واللي بيديره الفلسطينيين!!!! متخيل يا مان !!!

اللي فات ده كوم …. واللي جي كوم تاني …
اصل الفلسطينيين مش هايقدمو هدية عيد بدون تغليف …
س : انتا اصلا يا فلسطيني يا محدود الامكانيات … قدرت تجيب مكان منصات القبة ازاي ؟
لا بجد مهو يا مخاوي بلغة الدراويش يابتجسس عالجيش الصهيوني بتقنية ما …. يا حاجة تانية ودي الاجمل واتمناها انك تكون كاشف الاراضي والاهداف دي بطريقة ما رادار اشارة قمر صناعي مسح جوي … المهم الله ينور… شابوه يا برو … وده في حد ذاته اخطر من الصواريخ نفسها … لأن في اهداف ارضية مرصودة !
شكرا…
حرفيا اللي بيحصل بيتكتب بالتاريخ حاليا وهايدرس في الكليات الحربية في العالم .
هوا اظاهر كده انه مش مجرد ضرب لتل ابيب … تؤ تؤ
انتا تتخطى الان مجرد صاروخ تايه الى صاروخ يستهدف … صاروخ عارف هوا رايح فين وهايضرب ايه …
الفلسطينيين ناوين على حاجة اكبر من مجرد اطلاق صواريخ وشهادة لله انا بحب قوي الخطط المؤجلة بيكون فيها ابداع وبتكون كرييتف وواضح ان بعد استهداف مطار رامون الكلام هايختلف …
الفلسطينيين ببساطة بعد ما خرجو مطار بن جوريون من الخدمة لقو الرحلات اتحولت على مطار رامون على بعد ٢٥٠ كلم … يقوم ايه ضاربينه فيخرج من الخدمة …
وده الجديد من مدى ١٢٠ كلم الى ٢٥٠ كلم ….
كده تتضح الصورة …
البشوات وعلى مدار السنوات الماضية لما كنا نسمع ان الفلسطينيين ضربو حيفا وضربو يافا او شمال تل ابيب في اماكن فاضية.. يبدو انه ماكانش ضرب عشوائي … الناس واضح انهم كانو بيختبرو الترسانة الصاروخية والهجومية… ماهو ماعندهمش اراضي تجارب يجربوا فيها … فمش هايقعدوا مكتوفي الايدي … فكان لازم يختبروا بأقل الاضرار ويطلعوا بعد الضرب يمثلوا انهم ضربوا ضربة فاشلة على مزرعة او طريق والناس تتريق… واضح انه كان تدريب … ملعوبة والله 🤣
شبه كده لما كنت بتتخانق مع الحارة اللي جنبك وفي كل مرة تنشن على برواز الشباك او العرانيس اللي تحت الشباك بتاع الواد مليجي.. فيفتكروك مش بتعرف تنشن على قزاز الشباك … وانتا في كل مرة تنشن عالبرواز او على العرانيس وتجيبها بس مش بتجيب الشباك لأنك حرفيا بتستهدف البرواز وبتجيبه …
بس وقت الجد لما كنت عايز تجيب قزاز شباك رحت جايب شبابيك الحي والحي اللي جنبه كله .
في صدمة لجميع شلتك وشلة الحارة التانية …. انك مش فاشل في الاصابة…. لا دنتا كاسر قزاز محترف !

الفلسطينيين كسروا صنم اسرائيل … فمن كان يعبد إسرائيل فإن اسرائيل قد كسرت ومن كان يعبد امريكا فإنها بتتفاوض مع اللي كانوا الارهابيين من يومين في أفغانستان للخروج بشكل آمن وبتقول انهم صمام امان ورمانة ميزان ومكون اساسي وكل الكلام الاستهلاكي لحفظ ماء الوجه !

التكتلات والاقطاب يمكن كسرها وتمريغ انفها بالتراب ودرس المقاوم الفلسطيني مش بسيط … ده اسلوب عقيدة الصدمة … صدمة للجميع للمحب قبل العدو …. صدمة يهم لنجاحها ان تستمر دون توقف بشكل مرعب يحول الشوارع ليلا الى قناديل …. شئ يشبه ان بكل حارة ومستوطنه قذيفة ….. حينها سيتغير المعادلة للابد .
انه درس يتعدى الحجارة والصاروخ الى الارادة والعزيمة وعدم التهويل التتري¹ من شأن العدو الذي يطلقه الطابور الخامس الموالي لتل ابيب والشمعدان الفضي …. صدمة لو استمرت ستكسر باقي الصنم الصهيوني للأبد وهاتخلي الكل يتجرأ على اسرائيل …
وكل من هب ودب يروح يضربها قفا … وكلها ايام وتلاقي حزب الله اللي مش مصدر قلق للصهاينة بيضرب ويجرب صواريخه ويكسب بونط في الداخل اللبناني والقوى المختلفة بسوريا تجرب تصويباتها وكله يقولك انا ضربت بلطجي الحارة واي عيل معاه شوية ادوية على مواد مشتعلة يجرب صاروخه هوا كمان …. ماهي بقت ملطشة …. واللي مايشتري يقرب و يجرب ويضرب …. 🤣

اتمنى من الله ان يكون لديهم فخاخا مناسبة للقادم لأنه مش هايكون هين والجبان الخسيس الصهيوني لن يتوانى عن مجموعة تمثيليات انسانية قبيل ضربه العمق المدني بمذبحة لانه مش شاطر غير على العزل…. اما الجيوش فالاردن ادبته والعراق هزأته ومصر مسحت بيه الرمل بسيناء ففي كل مرة يكون اللقاء عسكري ينهزم الا ان حدثت خيانة ك ٤٨ اللي حتى فيها الفيالق الصغيرة اخترقته واذاقته المر واسألوا الجولان في ١٩٧٣ لولا خيانة بائع الجولان لظلت محررة ….

فاللهم بعظمتك يا عظيم سدد رميهم واجبر كسرهم وداوي برحمتك مصابيهم ومرضاهم.

تعليق واحد

  1. عبد الشكور محمد

    قلت ذلك من سنوات أن صواريخ حماس معجزة ربانية لتعرج مسارها بسبب عدم دقة صنعها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: