السبت , سبتمبر 26 2020

وريقات من أجندة شاعر …..نص للشاعر محمد سعيد

تذكير …

فاكرين زمــــــان 

لما كنا بنبتسم ف وش بعض 

قبل البويات والفخفخه
والهم التقيل
ونلاقى سعادتنا الكبيرة 
ف كوز درة .. ع النيل 
(1)
وقت مستقطع ياوطـنى
ولا أقولك .. إستراحه 
الضجيج أصبح سِـمه 
والخلاف بقى عندنا 
أخر قباحه 
(2)
وليه يا نينى عين الحرف
مشاعرنا بقت ناسيه
وتيهانه 
كما ريشه ف مهب الريح
يفتت جسمها الواهن غبار الملح 
تتمايل .. تطير أكتر 
ومهما ياعينى تتحايل 
على خوفها .. تخاف اكتر 
فطعم الجرح يسكنها بلون باهت 
خلاص تاهت
(3)
من الأول من الاخر 
يا ريت يا صاحبى تتاخر 
وتسمع كلمتين منى 
لأن ملامح الغضبه 
على وش الحروف بتبان
وهمك اللى لُــه لزمة
أوانه الآن
وحرفك الــ قـــوى حزنان
متستغربش طمــــنى !
لأن التوهه ف دروب السكات شينه
ودعوة حرفك المهموم
يا شاعر أضعف الإيمان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: