الأحد , يونيو 20 2021

الأهلي وصن دوانز بقلم سلوى عبد الحميد

موسيمانى كان واقعى جدا فى التعامل مع اللقاء
فى ظل حالة الاجهاد الغير طبيعيه لكل اللاعبين بعد خوض 10 لقائات فى 30 يوم واخرهم لقاء الديربى مع الزمالك …صن داونز اقوى فريق فى القاره حاليا ولايمكن تقدر تضغط عليه بالشكل اللى احنا عاوزينه فى ظل معاناة الفريق من الارهاق بالشكل ده كان ممكن نكرر خطأ لاسارتى لما رحنا واحنا مجهدين برضو بفعل فاعل وفتحنا الخطوط مع فريق بيمتلك كل الامكانيات والسرعات ومحتاج المساحات للابداع واتغلبنا 5 وكان ممكن النتيجه توصل 8 وقتها قلنا كان لازم نقفل الملعب حتى بعد ما اتأخرنا بهدفين فاكرين ؟؟
المفارقه اننا وقتها لاعبنا الزمالك فى الوحل ثم الاتحاد وسافرنا مرهقين والمره دى برضو لاعبنا الاتحاد ثم الزمالك ..وبعدها قابلناهم وبنفس الحكم ولكن موسيمانى كان واقعى جدا وعاقل جدا فى التعامل مع اللقاء … انا بعد الماتش كنت حزينه جدا من الاداء والشكل السئ اللى ظهرنا بيه طول الماتش ولكن لما حللت كل شئ وراجعت كل الامور التمست لموسيمانى العذر فى معظم الامور الا فى بعض التغييرات فقط وتجاهله لكهربا وتمسكه بالشحات رغم حالة التوهان الشديده للشحات …ولما بقول الشحات يريح شويه …بقصد انه يستعيد لياقته البدنيه والذهنيه ويرجع لنا الشحات اللى نعرفه ما اقصدش يريح يعنى يمشى من الفريق وان كنت اتمنى التعاقد مع 2 افضل منه فى مركزه ويبقى هو رقم 3.. ولكن المرحله دى ..احنا محتاجين كل لاعب فى الفريق لنهاية الموسم
نرجع تانى لطريقة موسيمانى فى ادارة اللقاء … طبعا لازم الفوز بيصاحبه توفيق ربنا وربنا وفقنا فى لعبه فى القائم وانقاذين للشناوى على اعلى مستوى منهم واحده مافيش حد يصدها غير الشناوى وحراس اوروبا الكبار
وكمان ربنا وفقنا فى سوء تقدير الحارس للهدف التانى وخروجه الخاطئ …ولكن كمان ماننساش ان الحكم ظلمنا ظلم كبير جدا فى كل الالعاب تقريبا ومنح المنافس كل الالعاب المشتركه يعنى صفارته كانت فى اتجاه واحد وكان بيحرجم على طرد واحد من قلبين الدفاع عشان يقضى على الاهلى من بدرى وكمان تغاضى عن طرد الحارس فى التدخل المتعمد مع محمد شريف وتغاضى ايضا عن احتساب 3 ركلات جزاء للأهلى لو تم احتسابهم مع طرد الحارس وده حقنا الطبيعى كان ممكن نكسب 6 او 7 واحنا فى اسوأ حالاتنا واحنا مجهدين جدا واحنا مش شايفين بعض فى الملعب يبقى لازم نعرف اننا معانا مدرب كبير عرف يخرج من المباراه باللى احنا عاوزينه من اقوى فريق فى افريقيا حاليا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: