الأحد , سبتمبر 20 2020

حسن هيكل يكتب … خصخصه شركه نقل الكهرباء العملاقه !!!

عايزين تخصخصوا ايه تاني يا حكومه فاشله خلاص فتحتوا مغاره علي بابا : لازم نسمع توصيات صندوق النقد خلاص اتربطنا من الصندوق ولازم ننفذ حتي الكهرباء و البنوك و القطارات و شركات البتروكيماويات و شركات السكر
الشركه الوحيده الحكوميه لنقل الكهرباء يجري تقييمها تمهيدا لبيعها في البورصه يعني خصخصه و اقلع هدومك يا مواطن يعني تسريح عماله يعني ارتفاع اسعار
سنه 2000 يعني من 16 سنه صدر القانون 164 بتحويل هيئة كهرباء مصر إلى الشركة القابضة لكهرباء مصر التى صارت تتبعها خمس شركات لإنتاج الكهرباء وسبع شركات لتوزيع الكهرباء وشركة واحدة لنقل الكهرباء هي الشركه المصريه لنقل الكهرباء :
فى يوليو عام 2001 تم إعادة هيكلة الشركة القابضة و الشركات التابعة لها حتى أصبح عدد الشركات التابعة ست عشرة شركة ست شركات إنتاج والشركة المصرية لنقل الكهرباء وتسع شركات توزيع
تقوم الحكومه تعمل ايه تفتح المغاره علشان تبيع الشركه لكن الشركه كبيره جدا واصولها مليارات فتعهد للبورصجيه بتقييمها و تجهيزها للبيع
بنوك للبيع مصانع السكر للبيع موبكو اللي كان اسمها اجريوم اتباعت خلاص و لسه عنيهم علي ميدور اللي بتنتج للجيش و وزاره الطيران وقود الطائرات النفاثه حتي القطارات نجيب شركه اجنبيه تديرها لاننا فشله زي الزباله نجيب شركه اسبانيه تنظفنا و تشيل زبالتنا
هذه هي سياسات شله جمال مبارك و تلاميذه اقتصاد مدرسه شيكاجو الاقتصاديه النيوليبراليه المتوحشه تعني بيع حتي المدارس و الحدائق و الطرق و الخدمات و المناطق الاثريه تديرها شركات و المواني و المطارات و … و كل شيء فلا يبقي الوطن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: