جريدة العربى اليوم الاخبارية
الخطوه الاولي :
الاعلان عن مشكله كبيره: تغريم مصر 1,76 مليار دولار تعويضآ للكيان الصهيونى عن وقف تصدير الغاز وفقا للتحكيم
الخطوه الثانيه :
الاعلان عن حل المشكله
و اننا كسبنا صلاه النبي !! بالتنازل عن الغرامه الماليه الكبيره
الخطوه الثالثه مليارات الدولارات في جيوب اعداء الوطن ورجال الاعمال الذين لا يعرفون الا الكسب و الثراء و لو كان علي حساب الوطن !!
اصل الحكايه :
اسرائل تريد اساله الغاز الذي اكتشفته في حقول الغاز العملاقه بشرق البحر المتوسط في حقلي تمارو لوثيان ولا تملك اسرائيل بنيه تحتيه لاساله لان السفينتين النرويجيتين رفضا التعاقد لاساله الغاز الاسرائيلي و قبرص لم تنتهي من بناء محطه اساله الغاز في ڤاسيليكوسلم القبرصيه … فلم يبق امامها الا مصر او تبني محطات لاساله الغاز تكلفتها ما بين 5 مليار دولار و 6 مليار دولار و ستستغرق وقتا لا يقل عن عامين الي ثلاثه اعوام
مصر لديها محطتين لاساله الغاز الاولي شركة يونيون فنوسا الاسبانية اشترتها ب 1.3 مليار دولارو الثانيه في إدكو التابعة لشركة بريتش گاس وشركاها و كلفتها نحو 2 مليار دولار. باسعار ( النصف الاول من الالفيه الثالثه ) .. كانت مصر من اكبر منتجي الغاز المسال ( ال 13 عالميا ) اللي وزاره البترول ايام سامح فهمي باعتهما وخصخصتهما !!
كيفيه التخطيط و الضغط علي الحكومه المصريه … !!!
المحطه المصريه للاساله متوقفه لانها كانت تعمل علي خط تصدير الغاز لاسرائيل و التفجيرات في سيناء اوقفت الخط و اسرائل عايزه تضخ الغاز عبر عكس مسار الخط لمصر مثلما تريد التصدير للاردن و قبرص و تركيا
حسين سالم عايز يرجع و يدفع اقل تعويضات او ما يدفعش خالص ..!!
ايه العمل ؟؟!!
يبقي الحل لازم رجال اعمال كبار يضغطوا علي الحكومه لاجل ارباح و مصالح ماليه يحققونها بدلا من رشوه المسئولين الكبار التي اصبحت صعبه الان في ظل خكم السيسي و السلطات الممنوحه للرقابه الاداريه حاليا !!
مين رجال الاعمال ؟
خالد ابو بكر و علاء عرفه اصحاب شركه دولفينوس وحسين سالم صاحب شركه شرق المتوسط مالكه خطوط الغاز و اللي كان ها يتبرع بثروته او نص ثروته فاصبح يقايض بالتعويضات و ربما بضغطه و تخطيطه لا يقترب منه احد فقد اصبح يملك ورقه التعويضات و سيبي يا حكومه و يا قضاء و انا اسيب !!
و طبعا لم يكن علاء عرفه ولا خالد ابو بكر اول من عمل في القطاع الخاص في الغاز فقد سبقهما و مازال احمد هيكل و شركه القلعه في 22 نوفمبر 2012، وقعت شركة القلعة المصرية اتفاقية لتأسيس شركة مع مؤسسة كيوإنفست وشركاء قطريين لاستيراد وتغطية الطلب المتزايد على الغاز الطبيعي في مصر، بحلول منتصف 2013.
بمقتضى الاتفاقية، ستؤسس شركة بين القلعة ومؤسسة كيوإنفست ومجموعة من المستثمرين القطريين، لتأسيس شركة لإنشاء وامتلاك وحدة عائمة في مصر لاستقبال وتخزين الغاز الطبيعي المسال وإعادته لحالته الغازية (FSRU) ونقله من خلال الشبكة القومية للغاز وتسويقه بهدف توفير إمدادات الغاز الطبيعي إلى كبار وكثيفي مستهلكي الطاقة بالسوق المحلي و تم السطو علي اراضي مسطرد بعقود ايجار هزيله لخدمه المشروع اقصد رجال الاعمال الذين استغلوا ازمه الطاقه في البلاد و ظروف الثوره فلم لا يكسب الاخرين من اسرائيل اذا كانت القلعه سيجنون المليارات !! .
الغطاء القانوني :
الدوله سمحت رسميا سنه 2015 للقطاع الخاص و الاستثماري باستيراد الغاز ابان ازمه الطاقه عقب ثوره 25 يناير لما كانت بتتحايل علي شركات الاسمنت تستورد غاز فرفضوا و طلبوا فحم لانه ارخص و اكسب لهم و ستين داهيه البيئه !!
** اسرائيل تضغط علي مصر بورقه التعويضات 1.7 مليار دولار هي و شركه شرق المتوسط ( شركه حسين سالم )
و في النهايه
الحكومه تعلن انها ليست طرفا في الاتفاق بين شركات استثماريه خاصه لكن شروطنا كدوله للموافقه علي الصفقه هي التنازل عن التحكيم و 1.7 مليار و ممكن نشتري شويه غاز و لو بسعر اكبر من اللي كنا بنبيعه لاسرائيل لحل مشاكل محطات الكهرباء و شركات الاسمده
و بكده تكسب اسرائيل و تحل مشاكلها
و يكسب حسين سالم و يكسب رجال الاعمال تجار الغاز الجدد علاء عرفه و خالد ابو بكر اللي اعلنوا حجم الصفقه ب 4 مليار متر مكعب سنويا من الغاز الاسرائيلي
لو عندك مصانع حديد … لما يجي شهر الصيانه اعلن عن اغلاق المصانع و تشريد كام الف عامل ( كده و كده ) و اعلن ان ده بسبب سياسات الحكومه !!
طبعا الدنيا ها تتقلب تنقلب احنا ناقصين تطفشوا المستثمرين !!!
2ـ الخطوه الثانيه طلع بيان من اتحاد الصناعات او من اتحاد رجال الاعمال او اتحاد المستثمرين يطالب بمنع الاستيراد حفاظا علي الصناعه الوطنيه و انشره في المصري اليوم صفحه اولي
3ــ الخطوه الثالثه استورد انت حديد ايوه ما انت عندك تسهيلات ائتمانيه كبيره اكبر من اي مستورد تاجر بشرط في هدوء من خلال شركاتك مش من المصانع مباشره و افتكر من غير صخب استورد من تركيا او اوكرانيا علشان يظهر ان فيه استيراد و منافسه للمنتج المحلي … كده تضمن تعاطف الرأي العام
و في نفس الوقت ما دخلش السوق حد غيرك انت بتنافس نفسك ما انت المنتج و انت المستورد !! و لو دخل حد ها يخسر ما انت اللي بتتحكم في السعر و عندك اكبر شبكه موزعين طبعا ها يخسر و يخرج من السوق .
4ــ بيع في الحديد اللي انت استوردته خلال فترات صيانه الافران بالمصانع او حتي فتره التوقف المؤقت المحسوب اللي بتخدع بيه الحكومه
ها تلاقي الحكومه بسرعه استجابت لطلباتك اللي هيه ايه :
يا فرض رسوم اغراق فلا يفكر احد في مناقشتك في سعرك المرتفع عن الاسعار العالميه ولا في منافستك
طبعا الحكومه لما ها تشوف بيانات الاستيراد تقول فعلا المصانع مظلومه احنا في عرض دولار من العمله الصعبه و طبعا انت مقدم البيانات لسياده الوزير من خلال اتحاد صناعاتك او مرفقه شكواك و لما الحكومه تراجعها ها تلاقي استيراد فعلا لكن مش ها تتحري عن مين المستوردين ههههههه
تروح الوزاره بعد الدراسه و حرصا علي تقليل الاستيراد مخفضه لك اسعار الطاقه انت لوحدك من 7 دولار الي 4.5 دولار لكل مليون وحده حراريه لحل المشكله
في الوقت اللي المنازل بترتفع الفاتوره عليها لارقام جنونيه
و الناس لما تعترض علي اسعار طاقه المصانع نقول لهم اصل الاسعار العالميه انخفضت و علشان كده تم تخفيض اسعار الطاقه ( ليهم لوحدهم ) ومبروك عليهم شويه مليارات بمباركه الحكومه و الشعب الغلبان
…. بعد شويه ها تلاقي بتوع الاسمنت عملوها …عملوا ايه متاسف … هما بتوع الاسنت مستنيين بتوع الحديد دول شركات عالميه يا محترم … دول سبقوا و عملوها خلاص و اخدوا رخصه التشغيل بالفحم الملوث للبيئه من سنه و نص بحجه ما فيش غاز في البلد و الحقيقه لانه ارخص كثير من الغاز و يوفر نصف تكاليف تشغيل الغاز طيب الغاز اتوفر خلاص و بقي الفحم لم يتوقف و لا يقترب منه احد كأن التلوث ضريبه ها تدفعها غصب عنك !!
مليارات يحققها المحتكرون لانهم يعرفون كيف يبتزون حكومه الهواه دون حاجه حتي لشرب الشاي بالياسمين
