منوعات ومجتمع

ريهام عرفة تكتب : أبو 90% بيسرق أعضائنا !


لا اؤمن بالتعمميم و لا اعترف بان غلطة افراد بينتموا لمهنة ما معناها الخوض في سيرة
المهنة ككل متجاهلة ان فيها برضه الشرفاء و المحترمين.

كنت
دايما ارفض ده لما يحصل تجاوز من واحد من افراد الشرطة او من وكلاء النيابة او القضاة
او حتي سواقين التاكسي و االميكروباص…دلوقتي برضه بارفض ده لما سمعت بموضوع تجار
الاعضاء البشرية من الاطباء.

بس مش
قادرة ما اعلقش علي الناس اللي كانو بيقولوا ان الداخلية كلها زفت لما ظابط او امين
يتجاوز حدود مهنته… و ان الداخلية مفيش فايدة فيها و كلهم بلطجية و كتير من التعليقات
اللي كان الواحد بيرفضها و يرفض التعميم فيها ….الغريب….ان نفس الناس دي…لما
يجي بوست فيه تريقة و نقد علي الاطباء تلاقيه هو يقف و يهم و بكل حماسة…يا جماعة
بلاش تعميم مش علشان شوية دكاترة طلعوا مجرمين يبقي نتريق او نتهم مهنة الطب و الاطباء….يا
سلام! ….طيب ما احنا ياما قلنا ده و كنت بتقاوح و تصر علي رايك في مهنة الشرطة
…..لما النهاردة حد يقول و ادي ابو 90% بيسرق اعضاءنا تلاقي نفس الشخص بيعترض و يقول
لا حول الله مش كل الدكاترة حرام تعمموا…مع انه هو نفسه بذاته اللي كان برضه بيقول
هتتوقع ايه من ابو 50% و هيجي ايه جنب ابو 90….يا سيدي علي الازدواجية….يا سيدي
علي الناس اللي بتكيل بمكيالين…انا مبهورة بيهم الصراحة.

يا ريت
بلاش نبقي كدة….بلاش اتهامات و احكام تعمم بين الوحش و الكويس جوة اي فئة….المهندس
الفاسد هو انسان فاسد مش مهنة فاسدة…و الطبيب اللي معندوش ضمير هو انسان فاسد مش
مهنة فاسدة …و الشرطي المتجبر و المفتري هو انسان فاسد مش مهنة فاسدة…..ارتقوا
بأة ارجوكم ….اتغيروا شوية علشان نأمل ان ممكن حالنا كله يتغير…..و انت يا عم و
لا يا ست ياللي كلامكم مزدوج و مالوش مبدا ..و النبي تنقطونا بسكاتكم !

ملحوظة :
عصابة الاتجار في
الأعضاء البشرية تتكون من أطباء وممرضين، هل فيها صيادلة؟

رأيي لأ، الصيادلة ماوصلوش للمستوى ده من الإجرام، آخرهم يبيعو
دواء مهرب بيتكتب على روشتات يعني برضو ال بيجره للإجرام طبيب
.
ماتنسوش ان لا للتعميم .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى