ثقافة وفنون

النوبة زينة النيل فى ماضى مستمر

وليد محمد

تحدثت  الاعلامية مديحة عاشور في حلقة برنامجها ماضي مستمر المذاع علي راديو
وسط  البلد عن الفن  النوبي حيث  بدات الإعلامية مديحة عاشور  مقدمة البرنامج الحلقة بوصف”النوبه بأنها  هي زينه النيل”  وهو الوصف اللي أطلقه الرحاله  الأندلسي- المغربي أبو الحسن الزيات ..لما زار المدينه
الفاتنه الموجوده في اقصي جنوب مصر و اللي بيحضنها  النيل بفروعه بشكل من الجمال يفوق اي مدينه اخري
…ثم اصافت النوبه او بلاد الكنوز زي ما بيحب اهلها يطلقوا عليها  هي لوحه فنيه ابدعها الخالق في ارض مصر …

النوبه مش مجرد مدينه زيها زي اي مدينه
تانيه ..لاء النوبه هي ملتقي الماضي بالحاضر في تناغم يشبه اوي الحان سمفونيه
“الفصول الاربعه ” للموسيقار الهولندي العظيم  (أنطونيو فيفالدي.)  و اللي قدر يخلينا نحس في مقطوعته الرائعه  بنسيم الربيع و هو بيسري ما بين اغصان الشجر و برده
نحس بصراخ ورق الشجر و هو بيقع من علي الغصون 
و كانه بيودعها في الخريف و خلانا نحس بحر الصيف و مشاعره المتزايده  و اللي بصبح جامده في الشتا

النوبه هي المقطوعه اللي اتعزفت للعالم
من قديم الازل و اللي بسبب الحانها  قامت كل
الحضارات المعروفه علي وجهه الارض

النوبه هي الحضاره المدفونه جوه حضاره  التقدم اللي عايشين فيها دلوقتي ..بمعني اننا لو
تخيلنا اننا دلوقتي ماشين في قريه (الكروز) او (ارشكول) و اللي موجودين في النوبه اللي
هي جزئ من مصر نفس البلد اللي بنعيش فيها

هتلاقي واحد بيقولك (ار منا اوي ) و طبعا
طبعا مش هنفهم هو يقصد ايه ..فتخيلوا بقي معايا ان (ار منا اوي) معناها (انت بتعمل
ايه ؟)  مش بس كده ده انت كمان هتلاحظ اوي الفرق
الواضح  و الكبير ما بين الابراج التجاريه   العاليه الموجوده في كل محافظات و مدن مصر المختلفه  و ما بين 
البيوت البسيطه الجميله اللي  اتلونت
بالوان زاهيه و مرسوم عليها رسومات

و مدن مصر المختلفه  و ما بين 
البيوت البسيطه الجميله اللي  اتلونت
بالوان زاهيه و مرسوم عليها رسومات من التراث الفني لاهل النوبه الطيبين  و لو فضلت ماشي في طريقك في المدينه النوبيه البسيطه
ده هتسمع  عزف للسمسميه او الربابه و اللي بيعتبروا
اهم الاتين عزف لاهل النوبه  و اللي هتلاحظ
ان الموسيقي النوبيه جميله جدااا ببساطتها 
و و طبعا استحاله توصل لاخر الشارع النوبي ده من غير ما يكون عزمك اهل الشارع
علي ( سخينه) او (جكود) و كمان اكيد هيلفت نظرك جمال الرسم النوبي و اللوحات اللي دايما
بتعبر عنهم و عن معانتهم …اه معانتهم زي ما قولت في الاول ان النوبه هي المقطوعه
اللي اتعزف فملت العالم بملايين الالحان.

فمينفعش ان مدينه بروعه و جمال النوبه يتم تهميشها
لمجرد وجودها في اقصي جنوب مصر …النوبه عظيمه بشعبها و بلغتها و باثرها و معالمها
…عظيمه لانها مهد و ام الحضارات …عظيمه بتراثها البسيط وبحكايات اهاليها …فاتمني
ان يتم حل مشاكل اهل النوبه  بشكل يرضي اهلها
اللي مش طالبين اكتر من حقوقهم و لازم نعرف ان مصر لكل المصريين من شرقها لغربها و
من شمالها لجنوبها

و اخر حاجه احب اقولها شكرا لاهل النوبه
اللي محافظين علي اصالتهم و عظمتهم مهما حصل .

وكان ضيف الحلقة الشاعر رامى يحيى الحائز
على العديد من جوائز الدولة مثل2004 الجائزة المركزية للثقافة الجماهيرية عن مخطوط
ديوان (صعلوك)

وتمت طباعته 2006 عن دار ميريت.

2010 صدر ديوان (الغريب) عن دار ميريت

وحصل في نفس السنة على جائزة التميز الإبداعي
من الملتقى الأول لقصيدة النثر العربية

2012 صدر ديوان (كلام كريم) عن دار روافد

سنة 2015 صدر ديوان (بأكد جنوني) عن دار
ميريت… وتم اختياره ضمن القائمة القصيرة لجائزة أحمد فؤاد نجم 2016

2015 صدرت مجموعة (أساطير) عن دار ابن رشد

2016 صدرت مجموعة (المواطن.. إسود) عن دار
ميريت

بدا رامى حديثه قائلا انا من الناس المنحازة
لفكرة الصعلكة بمعنى الخروج عن المألوف والضوابط الاجتماعية بصفة عامة،وأضاف أنه شاعر
متمرد وأكد أن التمرد صفة أساسية فى المبدع أو الفنان فإن لم يكن متمردا أصبح انسان
عادى،كما أشار يحيى لأهمية دور التعليم والثقافة والفن فى تعميق ثقافة الاختلاف خصوصا
فى هذا الوقت الذى يعتبر بداية جديدة للبلاد.

وأكد يحيى على دور وزارة الثقافة فى أن
يصل الكتاب لمناطق كثيرة محرومة من الثقافة خصوصا وهناك كثير من الكتب الصادرة عن كافة
قطاعات الوزارة موجودة بالمخازن تنتظر إحدى المصيرين أما أن تأكلها الرطوبة أو الفئران،فالمواطن
البسيط أحق بهذا الكتاب.

وأضاف أن الميزانية التى تنفق على محاربة
الإرهاب لو أنفقت على التعليم والثقافة سوف تحل المشكلة من جذورها.

برنامج ماضى مستمر من إعداد وليد محمد ،اسراء
شريف وتقديم مديحة عاشور ،يذاع على الهواء كل يوم سبت من الثامنة وحتى العاشرة مساء
على راديو وسط البلد.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى