ليلة دافئة: الشاعرد.علي مسلم عجمي

(ليلة دافية ) للشاعر د. علي مسلم عجمي
—————-
بليلة البرد بردان للغاية
كل الحطب أكلتو الدفايه
اللي ناطرتني و جالسة بالبيت
من الشوق إيدا وهج شوايه
ما عرفت كيف من البرد دقيت
بابها مْتَـلِّج .. شو لحكايه
فتحت الباب.. و شكلني انهديت
بشوق و حرارة كان ملقايه

قرَّبت صوبا و جيت عالسكيت
إسرق دفا.. ظنت إلي غايه
قالت يا شاعر شايفة و حسيت
تطلب هوايي و للقرب جايي
لا تصب نار الشوق فوق الزيت
و زيت الأنوثة تحركو معايي

متأكدي إنك إنت حبيت
حب صادق ما إلو نهايه
مغروم فيها كتير و انجيت
تا صرت علسان الهوى روايه

رسمتها بشِعرك قوافي بيت
و صورتها بشرع العِشق آيه
و بين الحواري بالسما حطيت
صورة لإلها.. و عِملِت جنايه

بصوت الكناري صوتها غنيت
و بين الورد و الزهر عطرايه
للشمس صورتها رحت وديت
ال من عينها صارت مضوايه
بدر السما من خدودها ضويت
خِلقت بقالب خاص توصايه
كل الحلا و كل العسل خليت
من خدها ماخذ التحلايه

صَرخِت يا شاعر آخ شو تمنيت
شوفها أو شوف صورتها
ما جبت صورة عطيتها… مرايه

الشاعر… د.علي مسلم عجمي
لبنان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: