جريدة العربى اليوم الاخبارية
بدعيك يارب تكفينى
هوى نفسى وأوهامها
وحبها لحاجات
ممكن يضيع حاجات
جميله قدامها
وإكفينى شر سراب
بياخدنى للمجهول
وإنى أتعلق وأفكر
فى شئ مهوش معقول
وإنى أشوف نفسى
فى مرايه بتكبر
واكفينى شر الغيب
لو كان لى متقدر
يا رب إحمينى
من شر تفكيرى
ومشاعرى لوكانت
تئذى شعور غيرى
يا رب إحمينى
من نفسى وقت الغضب
ومن شعور بالخوف
وقلب داب واكتأب
وغربه وسط الناس
ووحده فى الزحمه
ومن غياب الضمير
والعدل والرحمه
