انا والشعر //للشاعر والاديب د. محمد ضباشه /مصر

أنا و الشِّعْر وعنيكى
وشمعاية يدوب بتشوف
جبال الخوف على سطري
بتتكسر إيمان وكفوف
ما قدره تفتح الشباك
فألقاكي الهوى والنور
يخلي شِعْرِى يتنفس
فأتبسم وأنا المقبور
ف ليل يحلم برؤياكي
ياخدنى بضعفي وياكى
ما أموت شاعر وما تكوني
ولو في دنيتي حنطور
يعدي العتمة من يومي
يشيل الوحشة من كومي
وما يعاند جناح عومي
يخلي الساقية ما تلفش
على يميني ولا ديني
وعين الصح ما ترفش
وتاخدني وترميني
كقشه ويا اشعاري
وباقى الحب من داري
فأكتب لك وأنا داري
قانون العشق والإخلاص
ولا انداس وأنا صوتك
وانا عينك وأنا القرطاس
مليته من حنان قلبي
وطعمته بجواهر ماس
رسمتك ع الغلاف شمسي
وبستانى وكل الناس
فليه بالهجر بيعاني ؟
وسيباني وشيفاني
بعيش الغربة فى عنيكي
وأقول للشعر اسبقنى
مع اللى تاهوا حواليكى
لعل القاها يوم تصحي
علي شوقها توضيني
واصلى العصر وياها
وبعد العصر تلاقينى
على نخلة ما بتطاطي
ولا غيرها ملا عيني
فلاقينى انا وشعري
وضمينى لدواوينك
وخلى القطر ما يفوتني
على محطة ملايينك
بنسقي الصبر م الصبار
ونرسم شمس مالها نهار
وليل قاسي بيخنقنا
ويسألني أنا فينك ؟؟؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: