الرزق المقطوع //بقلم ملفينا ابومراد //لبنان

الرزق المقطوع
***
يلعن ابو هالايام
شو ظلمونا هالحكام
لايام حرب الارباتعش
بالقهر رجعنا مية عام
الرزق بديارنا مقطوع
البرد بفتفت العضام
تلاعب طالع نازل
رميونا بنار الأوهام
الدولار صبح تسلاية
و بالليرة لعب الغمام
يما صاحي أو شاتي
و لوراء يما القدام
بالليل منصلي المنئل
الغاز انتفى و السلام
معاشاتنا صارت لعبة
و. منوبولي بايد الغلام
كانوني ليلو طويل
ببردو و تلجاتو الهمام
يا ختيارية تخبوا
جاينا شباط المقدام
الدواء شعللت ناروا
فرفر سعرو يا سلام
رجعوا لكاسات الهوا
صار دواكون هالأيام
ما معنا شوفت حكيم
المستشفى علينا حرام
الشعب ع بوابا بموت
مش ذنبا ذنب الظلام
فقر و تعتير و تفكير
شو مخبيلنا يا هالعام

ملفينا ابومراد
٢٠٢٢/١/١٤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: