فضفضة … بقلم : ناهد الموجي

فضفضة

الكل تايه بين موافقة.. ولأ……
على حاجة مش فاهمنها م الاول
الغصبانية انك تعيش ف الشق…
والصبر منك لحظة يتحول……….

مين فينا عاش العمر على كيفه؟
وشد خيط الفجر م الضلمة…….
والحزن بكتيره يا دوب ضيفه….
والمحكمة أحكامها مش ظالمة…

الصبر مركب وانت مش قبطان
والموج مواقف تحدفك لبعيد..
البحر فيه اشكال على الوان…..
وكل ما بتنزل تلاقي جديد……

سلب السفينة بشد ف كتافك
انت اللي متربط ماهيش هيا
والوهم كان الفرش ولحافك..
حتى المعافرة فى الزمن غية..

ناهد الموجي
شاعرة مصرية

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: