ايام التلج… / بقلم : مها ريا

عيني على ليالي التلج

أيام كنا زغار

ستي ودفا حكاياتها

بتلفلفا

ع خصورنا زنار

وموال من عهد الصبا

بترندحو

تصير الليالي نهار

شو التلج…

ستي وجدايلها

ومشط الهوى علقان بالمفرق

حضن دافي وقلب صافي

وخمر العنب بالخابية معتّق

وشال الدني الأبيض

مشنشل على غصان الشجر

وبإيدها سبحات

وتندف قطنها الرابية يصير الفضا مرايات

ونلعب بهالساحات.

 

يا ريت ماكبرنا

ولا ضاعت حكاياتنا

بجوف العتم

ع مفارق الطرقات.

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: